بھارت ثقافتی نشاۃ ثانیہ کے دور سے گزر رہا ہے۔ گجیندر سنگھ شیخاوت

 نئی دہلی/۔مرکزی وزیر ثقافت گجیندر سنگھ شیخاوت نے جمعرات کو کہا کہ ہندوستان "ثقافتی نشاۃ ثانیہ کے دور سے گزر رہا ہے” اور زور دے کر کہا کہ گیان بھارتم مشن کا تصور ملک کے مخطوطہ ورثے کو محفوظ رکھنے کے لیے کیا گیا ہے۔وزیر نے یہاں وگیان بھون میں منعقدہ ایک بین الاقوامی کانفرنس میں کہا کہ گیان بھارتم مشن کے تحت، 25 کلسٹرز، 20 علاقائی مراکز اور 10 سنٹرس آف ایکسی لینس کو ملک بھر میں ایک "ہب اور اسپوک ماڈل” میں قائم کرنے کا تصور کیا گیا ہے۔شیخاوت نے کہا کہ اس مشن کا مقصد "آنے والی نسلوں کے لیے ہمارے مخطوطہ ورثے کو محفوظ رکھنا ہے۔”انہوں نے یہ بھی کہا کہ ہندوستانیوں کو اپنی ثقافتی جڑوں پر فخر کرنا چاہیے، اور ہندوستان کے مخطوطات میں شامل روایتی علم کو پھیلانے کے لیے ٹیکنالوجی کا استعمال کیا جانا چاہیے۔وزارت ثقافت کے زیر اہتمام تین روزہ کانفرنس اسکالرز، ماہرین، محققین اور مختلف نامور مقررین کو ایک ساتھ لاتی ہے تاکہ مخطوطات کے ورثے سے متعلق تحفظ، ڈیجیٹائزیشن اور دیگر پہلوؤں پر تبادلہ خیال اور غور کیا جا سکے۔وزیر اعظم نریندر مودی پروگرام کے دوسرے دن ایک سیشن سے خطاب کریں گے۔شیخاوت نے کہا کہ ہمارا ملک ثقافتی نشاۃ ثانیہ کے دور سے گزر رہا ہے۔اپنے خطاب میں، انہوں نے یہ بھی کہا کہ ٹیکنالوجی "ہمارے مخطوطہ ورثے کو AI-پڑھنے کے قابل فارمیٹ میں” ترجمہ کرنے میں مدد کر سکتی ہے ۔