مرکزی وزیر دھرمیندر پردھان تعلیم میں دوطرفہ تعاون کو مضبوط کرنے کیلئے متحدہ عرب امارات روانہ

نئی دہلی/مرکزی وزیر برائے تعلیم جناب دھرمیندر پردھان، 10-11 ستمبر 2025 تک متحدہ عرب امارات کے سرکاری دورے پر ہوں گے۔ اس دو روزہ دورے کا مقصد تعلیم کے شعبے میں دوطرفہ تعاون کو گہرا کرنا ہے اور تعلیمی فضیلت اور اختراعات کو فروغ دینا ہے، اور دونوں ممالک کے نوجوانوں کے درمیان شراکت داری کی نئی راہیں تلاش کرنا ہے۔اس دورے کے دوران، جناب پردھان  متحدہ عرب امارات کے کلیدی رہنماؤں، وزراء، پالیسی سازوں، ماہرین تعلیم، اور ہندوستانی اور  متحدہ عرب امارات کے اداروں کے نمائندوں کے ساتھ تعلیم، اختراعات اور علم کے تبادلے میں شراکت داری کو آگے بڑھانے کے لیے مشغول ہوں گے۔10 ستمبر 2025 کو، شری پردھان  محترمہ سارہ مسلم، چیئرپرسن، ابوظہبی ڈیپارٹمنٹ آف ایجوکیشن اینڈ نالج  سے ملاقات کریں گے۔ وہ آئی آئی ٹی دہلی-ابوظہبی کیمپس کا بھی دورہ کریں گے، جہاں وہ اٹل انکیوبیشن سینٹر (پہلے غیر ملکی مرکز) کا افتتاح کریں گے اور پی ایچ ڈی اور بی ٹیک پروگراموں کا آغاز کریں گے۔ وزیر طلبہ اور فیکلٹی ممبران سے بھی بات چیت کریں گے۔دن کے بعد، وہ ابوظہبی میں  بی اے پی ایس  ہندو مندر کا دورہ کریں گے اور سمبیوسس یونیورسٹی، دبئی کیمپس کی پہلی سالگرہ میں شرکت کریں گے۔11 ستمبر 2025 کو وزیر موصوف اپنے ہم منصب  ڈاکٹر عبدالرحمن العوار، متحدہ عرب امارات کے وزیر اعلیٰ تعلیم کے ساتھ انڈین انسٹی ٹیوٹ آف مینجمنٹ، احمد آباد، دبئی کیمپس کے افتتاح میں شرکت کریں گے۔  دونوں وزراء دونوں ممالک کے درمیان تعلیم کے شعبے میں جاری تعاون پر بھی تفصیلی تبادلہ خیال کریں گے۔ بعد میں، وہ متحدہ عرب امارات میں ہندوستانی اعلیٰ تعلیمی اداروں کی گول میز کانفرنس میں شرکت کریں گے۔دبئی میں اپنی مصروفیات کے ایک حصے کے طور پر، وزیر قونصلیٹ میں ’ایک پیڑ  ماں کے نام‘ شجرکاری مہم میں بھی شرکت کریں گے ۔ وہ اپنے دورے کا اختتام دبئی میں مقیم ہندوستانیوں کے ساتھ بات چیت کے ساتھ کریں گے۔