کٹراسے سرینگر تک ریل سروس شروع ہونے کامعاملہ التواءمیں

امرناتھ یاترا کے اختتام کے بعد ہی اس پر غور کیا جائے گا۔ ریلوے حکام
سرینگر/سرینگر کٹرا کے درمیان اگرچہ کئی بار مشقی ریل چلائی گئی اور حفاظتی جانچ پڑتال کی رپورٹ بھی مثبت آنے کے بعد حکام کو سونپی گئی ہے البتہ اس کے باوجود بھی سرینگر کٹرا ریل چالو نہیں ہوئی ہے ۔اس بیچ وندے بھارت ٹرین سروس شروع کرانے کے بارے میں ناردھرن ریلوے اور مرکزی حکومت کی جانب سے با رباردعو ے کئے جارہے تھے تاہم کئی کامیاب ٹرائلوں کے بعد اب یہ سروس شایدہی شروع ہوسکتی ہے۔ اگرچہ وزیر اعظم نریندر مودی کو ریل کا باضابطہ افتتاح کرنا تھا تاہم اُس وقت موسمی صورتحال خراب ہونے کی وجہ سے اس کو موخر کیا گیا تھا لیکن تب سے آج تک اس کے افتتاح کے بارے میں کوئی نیا اعلان نہیں کیا گیا ۔ ادھر ذرائع کے مطابق مرکزی سرکار اور ناردھرن ریلوے نے حفاظتی وجوہات کی بناءپر کٹراسے سرینگرتک ریل سروس شروع کرنے کے معاملے کوالتواءمیں ڈال دیاہے ۔بھارت پاکستان کے مابین اس تناو¿ کے ماحول کے دوران ناردھرن ریلوے او رسرکارریل سروس بحال کرنے کے حق میں نہیں ہے اور ریل سروس شروع کرانے کے بارے میں جون جولائی کے بعد فیصلہ لیاجاسکتاہے ۔ ذرائع نے بتایا کہ امرناتھ یاترا کے بعد ریل شروع کرنے پر غور کیا جائے گا۔