جولائی سے شروع ہونے والی امر ناتھ یاترا کے لئے تیاریوں کو حتمی شکل

یاترا کو پُر امن طریقے سے انجام تک پہنچانے کےلئے حفاظت کے سخت بندوبست ہوں گے ۔ وزارت داخلہ
سرینگر/دو جولائی سے شروع ہونے والی امرناتھ یاتراکے لئے انتظامات کوآخری شکل دی جارہی ہے ۔ننون او ر بال تل کے علاقوں میںیاتریوں کی حفاظت کے لئے بیس ہزار کے قریب فورسز جوانوں کی تعیناتی عمل میں لائی جائے گی ا سکے علاوہ بھگوتی نگرجموں اور دوسرے علاقوں میں جہاں یاتریوں کے ٹھہرنے کے لئے اقدامات اٹھائے گئے ہےں پولیس وفورسز کی تعیناتی عمل میں لائی جارہی ہے ۔وزارت داخلہ کی جانب سے امرناتھ یاترا کوخوش اسلوبی کے ساتھ انجام دینے کے لئے مسلسل اقدامات اٹھائے جارہے ہےں ۔بالتل او رننون کے علاقوں میں فوجی نیم فوجی دستوں جن میں آئی ٹی بی پی ،بی ایس ایف ،ایس آئی آیس ایف، جموں کشمیرپولیس اورآرمڈ پولیس کے بیس ہزا رکے قریب جوانوں کی تعیناتی عمل میں لائی جائے گی تاکہ یاتر اپرآنے والے یاتریوںکوبھرپور حفاظت کی جاسکے ا سکے بھگوتی نگرجموں سے جوبھی جتھہ درشن کے لئے روانہ ہوگا۔ اس کے ساتھ پولیس وفورسزکی کانوائی بھی ہوگی تاکہ جموں سرینگر شاہراہ پرگزرنے کے دوران یاتریوں کوکسی بھی طرح کامشکل کاسامنانہ کرناپڑے ۔ ادھراب تک تین لاکھ کے قریب یاتریوں نے شیو لنگم کے درشن کے لئے رجسٹریشن کی ہے ا وربتایاجارہاہے چا رلاکھ کے قریب یاتری درشن کرینگے ۔