جاوید احمد رانا کا منکوٹ سیکٹر میں ایل او سی دیہات کا دورہ

وزیر برائے جل شکتی، جنگلات و ماحولیات اور قبائلی امور جاوید احمد رانا نے حالیہ سرحد پار گولہ باری سے متاثرہ لوگوں سے ملنے کے لئے منکوٹ سیکٹر کی لائن آف کنٹرول (ایل او سی) کے دیہات جن میں اچھڈ اور جھولاس شامل ہیں، کا تفصیلی دورہ کیا۔وزیر موصوف کے ہمراہ ایس ڈی ایم مینڈھر، عمران کٹاریہ اور سب ڈویژنل اِنتظامیہ کے دیگر سینئر اَفسران بھی تھے۔اُنہوں نے دورے کے دوران گولہ باری سے ہوئے نقصانات کا جائزہ لیا اور متاثرہ کنبوں کے اَفراد سے ملاقات کر کے اُن سے دلی ہمدردی کا اِظہار کیا۔جاوید احمد رانا نے اِنتظامیہ کو ہدایت دی کہ متاثرہ کنبوں کو معاوضے کی اَدائیگی میں تیزی لائی جائے تاکہ اُنہیں بروقت مدد اور ریلیف فراہم کیا جا سکے۔اُنہوں نے بنیادی ڈھانچے کو پہنچنے والے نقصان کا بھی جائزہ لیا اور متعلقہ حکام کو بحالی کے کاموں کو ترجیحی بنیادوں پر مکمل کرنے کی ہدایت دی تاکہ متاثرہ علاقوں کو جلد از جلد معمول پر لایا جا سکے۔وزیر موصوف نے متاثرہ کنبوں کے اَفراد کو حکومت کے تعاون ور اُن کی فلاح و بہبود کے عزم کا یقین دِلایا۔ہ باری سے متاثرہ اَفراد کی اِنسانی ضروریات کو پورا کرنے کے لئے فوری اقدامات کئے جائیں۔