’کشمیر ہمیشہ ہندوستان کا حصہ تھا اور رہے گا“ڈاکٹر فاروق عبداللہ 

سیاح خوفزدہ نہیں ہے جو ”دہشت گردوں کی ہار ہے ۔ سابق وزیر اعلیٰ 

سرینگر/03 مئی//ڈاکٹر فاروق عبداللہ نے ایک بار پھر کہاہے کہ کشمیر ”ہندوستان کا اٹوٹ انگ ہے “اور ہمیشہ رہے گا۔ پہلگام میں سیاحوں کے ساتھ بات کرتے ہوئے ڈاکٹر فاروق عبداللہ نے کہا ہے کہ ہم دہشت گرد ی کا مقابلہ گزشتہ 35برسوں سے کرتے آرہے ہیں اور ہم ہارنے والے نہیں ہے ۔ پہلگام میں سیاحوں کے ساتھ بات کرتے ہوئے فاروق عبداللہ نے کہا ہے کہ ’کشمیر ہمیشہ ہندوستان کا حصہ تھا اور رہے گا“وائس آف انڈیا کے مطابق جموں و کشمیر نیشنل کانفرنس کے سربراہ فاروق عبداللہ نے ہفتہ کو پہلگام میں سیاحوں سے ملاقات کی اور کہا کہ کشمیر ہمیشہ ہندوستان کا حصہ ہے اور رہے گا۔صحافیوں سے بات کرتے ہوئے انہوںنے کہا کہ پہلگام دہشت گردانہ حملے کے بعد، سب سے بڑا پیغام یہ ہے کہ سیاح "ڈرنے والے نہیں ہیں۔ڈاکٹرفاروق عبداللہ نے کہا کہ "جو لوگ خوف پھیلانا چاہتے تھے وہ ہار گئے، وہ (دہشت گرد) ہار گئے، آج ثابت ہو گیا ہے کہ ہم ڈرنے والے نہیں ہیں۔ کشمیر ہمیشہ ہندوستان کا حصہ تھا اور رہے گا، لوگ چاہتے ہیں کہ دہشت گردی ختم ہو، ہمیں دہشت گردی کو دیکھے ہوئے 35 سال ہو گئے ہیں، ہم ترقی چاہتے ہیں، ہم آگے بڑھنا چاہتے ہیں، ہم ایک دن سپر پاور بنیں گے۔ادھر فاروق عبداللہ نے پاکستان کے سابق وزیر خارجہ بلاول بھٹو کے بیانات کو اہمیت دینے سے انکار کرتے ہوئے کہا کہ بھٹو کے ریمارکس پر توجہ دی جائے تو ملک آگے نہیں بڑھ سکتا۔انہوںنے یہاں نامہ نگاروں کو بتایا کہ اگر ہم بلاول بھٹو کے بیانات پر چلتے ہیں تو ہم آگے نہیں بڑھ سکتے۔ میں کافی عرصے سے کہہ رہا ہوں کہ سندھ طاس معاہدے پر دوبارہ نظرثانی کی جانی چاہیے۔ جے کے این سی کے سربراہ اور این سی ایم ایل اے الطاف کلو نے سید عادل حسین شاہ کے والد حیدر شاہ سے بھی ملاقات کی، جو سیاحوں کو بچانے کی کوشش کرتے ہوئے پہلگام دہشت گردانہ حملے میں ہلاک ہوئے تھے۔حیدر شاہ نے کہا، "فاروق عبداللہ نے ہمارا دکھ بانٹ دیا اور ہمیں اپنے دکھ میں ہمت دی، جو ہمیں آگے بڑھنے میں مدد دے رہا ہے۔