سری نگر جموں قومی شاہراہ پر مرمتی کام کے پیش نظر ٹریفک بند

سری نگر، 27 اپریل (یو این آئی) وادی کشمیر کو ملک کے باقی حصوں کے ساتھ جوڑنے والی سری نگر [؟] جموں قومی شاہراہ پر مرمتی کام کے پیش نظر اتوار کو ٹریفک کی نقل و حمل بند ہے ۔تاہم جنوبی کشمیر کے ضلع شوپیاں کو صوبہ جموں کے پونچھ اور راجوری اضلاع کے ساتھ جوڑنے والے تاریخی مغل روڈ اور وادی کو مرکز کے زیر انتظام خطے لداخ کے ساتھ جوڑنے والی سری نگر [؟] لیہہ شاہراہ پر ٹریفک ایڈوائزری کے مطابق جاری و ساری ہے ۔ٹریفک حکام نے بتایا کہ مرمتی کام کے پیش نظر آج یعنی اتوار کو قومی شاہراہ پر ناشری سے نویوگ ٹنل کے درمیان ٹریفک کی نقل و حمل بند رہے گی۔انہوں نے کہا کہ تاہم جنوبی کشمیر کے ضلع شوپیاں کو صوبہ جموں کے پونچھ اور راجوری اضلاع کے ساتھ جوڑنے والے تاریخی مغل روڈ اور وادی کو لداخ کے ساتھ جوڑنے والی سری نگر [؟] لیہہ شاہراہ پر ٹریفک ایڈوائزری کے مطابق جاری و ساری ہے ۔مسافروں سے لین ڈسپلن پر عمل کرنے اور اوورٹیکنگ کرنے سے گریز کرنے کو کہا گیا ہے ۔واضح رہے کہ رام بن میں 20 اپریل کو ہوئی طوفانی بارشوں اور بادل پھٹنے کے نتیجے میں قومی شاہراہ پر ٹریفک کی نقل و حمل بند کر دی گئی تھی جس کو بعد میں یکطرفہ ٹریفک کی نقل و حمل کے لئے بحال کر دیا گیا تھا۔