ایل جی منوج سنہا نے پی ایم ایکسیلنس ایوارڈ جیتنے پر ڈی سی کپوارہ کی ستائش کی

 سرینگر۔ /ڈپٹی کمشنر کپواڑہ، آیوشی سودان کو اضلاع کی مجموعی ترقی کے زمرے کے تحت پبلک ایڈمنسٹریشن میں وزیر اعظم کے ایوارڈ سے نوازا گیا ہے، جو کہ جموں و کشمیر کے ضلع اور مرکز کے زیر انتظام علاقے کے لیے فخر کا لمحہ ہے۔لیفٹیننٹ گورنر منوج سنہا نے پیر کو سوشل میڈیا پلیٹ فارم  ایکس پر اپنی مبارکباد پیش کی۔ انہوں نے لکھا، "محترمہ آیوشی سودان ، ڈی سی کپواڑہ کو اضلاع کی جامع ترقی کے زمرے کے تحت پبلک ایڈمنسٹریشن میں بہترین کارکردگی کے لیے وزیر اعظم کا اعزاز حاصل کرنے پر مبارکباد۔ آپ کی لگن اور محنت واقعی قابل ستائش ہے اور دوسروں کے لیے تحریک کا کام کرتی ہے۔یہ ایوارڈ نچلی سطح پر ترقیاتی اہداف کی فراہمی میں شاندار عوامی خدمات اور انتظامی جدت کو تسلیم کرتا ہے۔