ہر شہری کو فوجیوں اور ان کے خاندانوں کی فلاح و بہبود میں اپنا حصہ ڈالنا چاہیے۔ وزیر دفاع

نئی دہلی/ مرکزی وزیر دفاع راج ناتھ سنگھ نے پیر کو  شہریوں سے فوجیوں اور ان کے خاندانوں کی فلاح و بہبود کے لئے دل سے حصہ ڈالنے کی اپیل کی اور اسے ہر شہری کا قومی فریضہ قرار دیتے ہوئے نئی دہلی میں آرمڈ فورسز فلیگ ڈے کارپوریٹ سماجی ذمہ داری (اے ایف ایف ڈی سی ایس آر( کانکلیو سے خطاب کرتے ہوئے کہا کہ  ملک کو ہر قسم کے خطرات سے بچانے کیالئے  ہمارے فوجی سرحد پر ہر وقت تیار رہتے ہیں وزیر دفاع نے کہا، "جبکہ حکومت ہندوستان کے سیکورٹی اپریٹس کو مضبوط بنانے اور اپنے فوجیوں اور ان کے خاندانوں کی فلاح و بہبود کو یقینی بنانے کے لیے پرعزم ہے، یہ قوم کی اجتماعی ذمہ داری ہے کہ وہ آگے آئے اور ان کی ہر ممکن مدد کرے۔ انہوں نے زور دے کر کہا کہ سی ایس آر  دو فیصد شراکت کے بارے میں نہیں ہے۔ یہ بہادر سپاہیوں اور ان کے زیر کفالت افراد کے ساتھ دل سے تعلق کا معاملہ ہے۔ انہوں نے اس موقع پر موجود اعلیٰ کارپوریٹ سربراہان سے کہا کہ "آپ جو بھی حصہ ڈالیں گے، وہ عام نہیں ہوگا۔ آپ کو اس بات کا پورا خیال رکھنا چاہیے کہ کل، جب آپ کی حقیقی بیلنس شیٹ تیار ہو جائے گی، اس میں ذمہ داریوں سے زیادہ اطمینان اور خوشی کے اثاثے ہوں”۔ انہوں نے پرائیویٹ سیکٹر کی شراکت کو بڑھانے کے لیے وزیر اعظم نریندر مودی کی زیرقیادت حکومت کے عزم کا اعادہ کرتے ہوئے کہا کہ تمام اسٹیک ہولڈرز کی مشترکہ کوششوں کے ذریعے آتم نیر بھر اور وکستبھارت کا ہدف حاصل کیا جا سکتا ہے۔ انہوں نے اس اعتماد کا اظہار کیا کہ نجی شعبے کی بڑھتی ہوئی شراکت کے ساتھ، ہندوستان 2027 تک دنیا کی سب سے اوپر کی تین معیشتوں میں شامل ہو جائے گا۔