جموں میں دو بچیاں گڑھے میں گرنے سے جاں بحق

بشنا جموں میں فوجی گاڑی کی ٹکر سے کمسن از جان
سرینگر ْ/ جموں میں دو بچیاں گڑھے میں گرنے سے ہلاک جبکہ بشنا میں کمسن لڑکا فوجی گاڑی کی ٹکر سے از جان ۔ یو پی آئی کے مطابق جموں کے بری برہمنہ علاقے میں اس وقت سنسنی اور خوف ودہشت کا ماحول پھیل گیا جب ہفتے کی شام اننت ناگ سے تعلق رکھنے والی دو کمسن بچیاں اچانک لاپتہ ہوئیں۔ معلوم ہوا ہے کہ بسیار تلاش کے باوجود بھی بچیوں کا کئی پر اتہ پتہ نہیں چل سکا اور اتوار کی صبح گڑھے میں دونوں بچوں کی لاشیں برآمد کی گئی۔ پولیس ٹیم فوری طوپر جائے موقع پر پہنچی اور لاشوں کو تحویل میں لے کر قانونی اور طبی لوازمات پورے کرنے کے بعد میت وارثین کے حوالے کی۔ ادھر بشنا جموں کے بٹیاری علاقے میں تیز رفتار فوجی گاڑی کی ٹکر سے نو سالہ بچے کی موت واقع ہوئی ہے۔ معلوم ہوا ہے کہ فوجی گاڑی نے سکوٹی کو زور دار ٹکر ماری جس وجہ وجہ سے سکوٹی پر سوار کمسن لڑکا جاں بحق ہوا ہے۔