سی ایف سی میں قائم ہونے والے نئے یارن ڈائینگ سے کشمیری دستکایوں کو فروغ ملے گا

سر ی نگر/10فروری2025ئ
کشمیر کے مشہور دستکاریوں کو فروغ دینے کے لئے محکمہ ہینڈی کرافٹس اینڈ ہینڈ لوم کشمیر نوشہرہ میں اِنڈین اِنسٹی چیوٹ آف کارپٹ ٹیکنالوجی (آئی آئی سی ٹی) کے احاطے میں یارن ڈائینگ کے لئے ایک جدید کامن فیسلٹی سینٹر (سی ایف سی) قائم ہونے کے قریب ہے۔ تعمیر ہونے والا2.59 کروڑ روپے کی لاگت سے یہ سینٹر تمام بین الاقوامی معیارات پر پورا اُترے گا اور ہینڈی کرافٹس اینڈ ہینڈ لوم سیکٹر میں اِستعمال ہونے والے مختلف قسم کے خام مال کو رنگنے کا کام کرے گاجس سے نہ صرف کرافٹ مصنوعات کے معیار میں بہتری آئے گی بلکہ ان کی بین الاقوامی منڈیوں میں مانگ بھی بڑھے گی۔محکمہ ہینڈی کرافٹس اینڈ ہینڈلوم کے ترجمان نے آج یہاں جاری ایک بیان میں کہا کہ اِس سی ایف سی میں صد فیصد ایزو فری کیمیکل رنگ اِستعمال کئے جائیں گے اور اِس میں تمام ضروری مشینری نصب کی گئی ہے بشمول 5کلو سے 20کلو گرم کی مختلف صلاحیتوں والی مشینیں جو ریشم ، اون کاٹن اور وِسکوز یارن کو رنگنے کے لئے اِستعمال ہوں گے ۔اُنہوں نے مزید کہا،”اس سینٹر میں واٹر سو فٹیننگ سسٹم ، ڈرائرز، بائیڈرو ایکسٹریکٹرز ، واشنگ مشینیں اور 2 منی بوائلرز کے ساتھ ایفلوئنٹ ٹریٹمنٹ پلانٹ بھی ہوگا۔“ترجمان نے مزید بتایا کہ سی ایف سی میں ایک ڈائی ہاو¿س بھی ہوگا جو 250 کلو گرام ریشم، اون اور کاٹن کو ہینک فارم میں مختلف ڈائینگ مشینوں کے ذریعے رنگنے کی سہولیت فراہم کرے گا ۔ اِس کے علاوہ سافٹ فلو ڈائینگ مشین کے ذریعے پشمینہ کو روازانہ 7کلو گرام تک قدرتی رنگ دینے کی سہولیت بھی دستیاب ہوگی ۔ترجمان نے متعلقہ شراکت داروں کو مشورہ دیا کہ وہ تمام اَقسام کے ہینک یارن کو رنگنے کی سہولیت کے لئے ڈائریکٹر آئی آئی سی ٹی سے رابطہ کریں جہاں یہ خدمات معمولی نرخوں پر دستیاب ہوں گی۔