وزیر اعلیٰ عمر عبداللہ نے شہریوں کی معلومات تک رَسائی کو آسان بنانے کیلئےجموں و کشمیر کے آر ٹی آئی آن لائن پورٹل کا آغاز کیا

وزیر اعلیٰ عمر عبداللہ نے آج سول سیکرٹریٹ میں جموں و کشمیر رائٹ ٹو اِنفارمیشن (آر ٹی آئی) آن لائن پورٹل کا آغاز کیا جو حکمرانی میں شفافیت اور جوابدہی کو بڑھانے کی سمت میں ایک اہم قدم ہے۔اِفتتاحی تقریب میںنائب وزیرا علیٰ سریندر کمار چودھری ، کابینی وزرا¿ سکینہ ایتو، جاوید احمد رانا اور جاوید احمد ڈار نے شرکت کی۔اِس موقعہ پر چیف سیکرٹری اَتل ڈولو ،،وزیر اعلیٰ کے ایڈیشنل چیف سیکرٹری دھیرج گپتا، اِنتظامی سیکرٹری اور سینئر اَفسران بھی موجود تھے۔وزیر اعلیٰ عمر عبداللہ نے اَپنے خطاب میںپورٹل کو تیار کرنے میں شامل اَفسران کو مُبارک باد پیش کرتے ہوئے شہریوں کے لئے آر ٹی آئی درخواست کے عمل کو آسان بنانے میں اِس کی تبدیلی کی صلاحیت پر زور دیا۔اُنہوں نے کہا ،” یہ اَقدام آر ٹی آئی ایکٹ کے تحت سرکاری معلومات تک آسان رَسائی فراہم کرے گا ، شہریوں کو تیز تر ، زیادہ شفاف اور کم لاگت کے طریقہ¿ کار کے ساتھ بااِختیار بنائے گا۔“وزیراعلیٰ نے متعلقہ اَفسران پر زور دیا کہ وہ اس اَقدام کی وسیع پیمانے پر تشہیر کو یقینی بنائیں تاکہ پورے جموں و کشمیر کے شہری اس کے فوائد سے آگاہ ہوسکیں۔نیشنل انفارمیٹکس سینٹر (این آئی سی) جموں و کشمیر سے تیار کردہ یہ پورٹل مینوئل سے آن لائن آر ٹی آئی اپیلی کیشنز میں تبدیلی متعارف کیا گیا ہے۔ یہ منتقلی شہریوں کو آر ٹی آئی درخواستیں جمع کرنے، ان کی حیثیت کو ٹریک کرنے اور الیکٹرانک طور پر جوابات حاصل کرنے کے قابل بناتی ہے جس سے سرکاری دفاتر میں فزیکل دوروں کی ضرورت ختم ہوجاتی ہے۔اِس سے قبل سیکرٹری جنرل ایڈمنسٹریشن ڈیپارٹمنٹ (جی اے ڈِی) ایم راجو نے پورٹل کی خصوصیات پر ایک پرزنٹیشن پیش کی ۔اُنہوں نے اِس کی رَسائی ، سہولیت ، پروسسنگ کی رفتار ، لاگت کی کارکردگی اوراحتساب کو فروغ دینے کے رول پر روشنی ڈالی ۔اُنہوں نے پورٹل کی کلیدی خصوصیات کا خاکہ پیش کیا جس میں اس کا صارف دوست اِنٹرفیس ، آر ٹی آئی ورک فلو کو آسان کرنا اور مضبوط دستاویزی خصوصیات شامل ہیں۔پورٹل کی ایک منفرد خصوصیت درخواست دہندگان کو ایس ایم ایس اور اِی میل کے ذریعے مستقبل کے حوالہ کے لئے رجسٹریشن نمبر جاری کرنا ہے جس سے آر ٹی آئی درخواستوں کی بہ آسانی ٹریکنگ ممکن ہوگی۔یہ پورٹل 61 سرکاری محکموں، 272 نوڈل اَفسران اورپبلک اتھارٹیز، 720 فرسٹ اپیلیٹ اَتھارٹیز (ایف اے اے) اور 3,419 سینٹرل پبلک اِنفارمیشن اَفسران (سی پی آئی اوز) اور پبلک اِنفارمیشن اَفسران (پی آئی اوز) کو مربوط کرتا ہے جس سے جامع کوریج کو یقینی بنایا جاتا ہے اور شہریوں کو حکومت کی سرگرمیوں کے بارے میں آگاہ کیا جاتا ہے۔