سری نگرمیں محض 24گھنٹوں میں آگ کی دوسری بھیانک واردات

حضرت بل میں 4رہائشی مکانات کو خاکستر
لاکھوں روپے مالیت کی املاک اور گھریلو سامان تباہ ،کئی کنبے بے گھر
سری نگر/گرمائی راجدھانی سری نگرمیں محض 24گھنٹوں میں رونما ہونے والی آگ کی دوسری بھیانک واردات میں 4رہائشی مکانات کو خاکستر ہوگئے ،جسکے نتیجے میں لاکھوں روپے مالیت کی املاک اور گھریلو سامان تباہ ہوگیا اور کئی کنبے سخت سردی کی ایام میں بے گھرہوگئے ۔جے کے این ایس کوملی تفصیلات کے مطابق سری نگر ضلع کے حضرت بل علاقے میں بدھ کی دوپہر ایک زبردست آگ لگ گئی۔ایک اہلکار نے بتایا کہ آگ حضرت بل سری نگر میں آگ ایک رہائشی ڈھانچے میں بھڑک اٹھی،جس نے نزدیکی مکانات کو اپنی لپیٹ میں لے لیا ۔اطلاع ملتے ہی محکمہ فائراینڈ ایمرجنسی سروسزکے افسراور اہلکار کئی فائرٹینڈرس کیساتھ جائے وقوعہ پر پہنچ گئے اورانہوںنے آگ پر قابو پانے اور مزید نقصان کو روکنے کےلئے کارروائی شروع کردی۔مسلسل کئی گھنٹوںکی محنت کے بعد فائرسروسزاہلکار آگ پر قابوپانے میں کامیاب ہوگئے ،تاہم اس ساری بچاﺅ کارروائی کے باوجود 4رہائشی مکانات کو خاکستر ہوگئے ،جسکے نتیجے میں لاکھوں روپے مالیت کی املاک اور گھریلو سامان تباہ ہوگیا اور کئی کنبے سخت سردی کی ایام میں بے گھرہوگئے ۔حکام نے کہا کہ آگ لگنے کی وجہ کا ابھی تک پتہ نہیں چل سکا ہے۔یادرہے منگل کو سری نگرکے بہاﺅ الدین صاحب نوہٹہ علاقے میں آگ کی ایک واردات میں5مکان اور4دکان خاکستر ہوگئے تھے ۔