‘ میڈ ان جموں کشمیر’ مصنوعات کو عالمیسطح پر مقبول بنانا  میرا خواب ہے ۔   منوج سنہا

 سری نگر/ جموںو کشمیر کے لیفٹیننٹگورنر منوج سنہا نے جموں و کشمیر کے فنی اور ثقافتی ورثے کو عالمی سطح پر فروغ دینے کے اپنے عزم کا اعادہ کیا ہے۔  ایکس پر پوسٹس کی ایک سیریز میں،  ایل جی سنہا نے خطے کی تخلیقی مصنوعات کو دنیا بھر میں گھریلو نام بنانے کے لیے اپنے وژن کا اظہار کیا اپنی ایک پوسٹ میں، ایل جی سنہا نے کہا: "میرا خواب ‘ میڈ ان جموں کشمیر’ تخلیقی مصنوعات کو دنیا بھر میں مشہور اور گھرانوں کا لازمی حصہ بنانا ہے۔ ہمارا مقصد عالمی تعاون پر بھی توجہ مرکوز کرنا ہے اور اس میں بہتری لانا ہے۔ ایل جی کا یہ تبصرہ سری نگر میں منعقدہ ورلڈ کرافٹس کونسل (WCC) کی 60ویں جوبلی تقریب میں ان کی شرکت کے بعد آیا ہے۔اس تقریب میں علاقے میں دستکاری اور ہینڈلومز کی شاندار روایت کی نمائش کی گئی۔ اپنے تجربے کا اشتراک کرتے ہوئے، انہوں نے لکھا: "سرینگر میں  ڈبلیو سی سی کی 60 ویں جوبلی تقریب میں شرکت کرکے خوشی ہوئی۔ اس تقریب کا مقصد دستکاری اور ہینڈلوم کی روایت کو منانا تھا جس میں دنیا بھر کے ممتاز دستکاروں، ڈیزائنرز، تخلیقی رہنماؤں اور دیگر اسٹیک ہولڈرز کو اکٹھا کیا گیا۔”اس تقریب نے مشہور دستکاروں، ڈیزائنرز اور ثقافتی رہنماؤں کی شرکت کو اپنی طرف متوجہ کیا، جس سے دستکاری کے شعبے میں تعاون اور جدت طرازی کے لیے ایک پلیٹ فارم تیار ہوا۔