ہندوستان۔تنزانیہ مشترکہ دفاعی تعاون کمیٹی کی تیسری میٹنگ  منعقد

 نئی دلی/ہندوستان اور تنزانیہ کے درمیان مشترکہ دفاعی تعاون کمیٹی (جے ڈی سی سی( کی تیسری میٹنگ 26 نومبر 2024 کو گوا میں ہوئی ۔ میٹنگ کے دوران، دونوں فریقوں نے تعاون کے وسیع شعبوں پر تبادلہ خیال کیا جس میں بڑھتی ہوئی تربیتی شراکت داری اور خدمت، سمندری اور دفاعی صنعت میں تعاون جیسے اہم  مدعے شامل تھے۔ انہوں نے گزشتہ  مشترمہ  دفاعی  تعاون کمیٹی کے دوران کیے گئے فیصلوں پر پیش رفت کا بھی جائزہ لیا اور دو طرفہ دفاعی تعاون کو مزید وسعت دینے کے لیے نئے شعبوں کی تلاش کی۔جوائنٹ سکریٹری شری امیتابھ پرساد کی قیادت میں ہندوستانی وفد میں وزارت دفاع اور مسلح افواج کے سینئر عہدیدار شامل تھے۔ تنزانیہ میں ہندوستان کے ہائی کمشنر شری بشوادیپ ڈے نے بھی میٹنگ میں شرکت کی۔ تنزانیہ کے وفد کی قیادت لینڈ فورسز کے کمانڈر میجر جنرل فضیل عمری نونڈو نے کی۔دورے کے ایک حصے کے طور پر، تنزانیہ کا وفد گوا شپ یارڈ لمیٹڈ کا دورہ کرے گا تاکہ بندرگاہ کی ترقی اور جہاز سازی میں ہندوستان کی صلاحیتوں کا پہلا تجربہ حاصل کیا جا سکے۔ یہ وفد گوا میں آئی این ایس ہنسا اور نیشنل انسٹی ٹیوٹ آف ہائیڈروگرافی کا دورہ بھی کرنے والا ہے۔ہندوستان تنزانیہ کے ساتھ قریبی، گرمجوشی اور دوستانہ تعلقات کا اشتراک کرتا ہے جو مضبوط صلاحیتوں کی تعمیر اور شراکت داری کی ترقی کے مواقع سے تقویت پاتے ہیں۔ دونوں ممالک کے پاس دفاعی تعاون کی رہنمائی کے لیے پانچ سالہ روڈ میپ ہے۔