صارفین کے لئے غذائی اجناس کی مقدار میں اضافہ ، اعلان جلد متوقع

وزیر اعظم نے یوٹی سرکار کو ہر ممکن تعاون فراہم کرنے کی یقین دہانی کی ہے ۔ وزیر ستیش شرما
سرینگر/وزیر امور صارفین و عوامی تقسیم کاری ستیش شرما نے کہا ہے کہ جموں کشمیر میں لوگوں کو اضافی غذائی اجناس کی فراہمی کے حوالے سے سرکار سنجیدہ ہے اور بہت جلد اس ضمن میں اعلان کیا جائے گا۔ انہوںنے بتایا کی خالی پڑی اسامیوں کو پُر کرنے کےلئے بھی اقدامات اُٹھائے جارہے ہیں۔ وزیر موصوف نے کہا کہ اب لوگوں کو زیادہ انتظار نہیں کرنا پڑے گا۔ انہوںنے بتایا کہ ہماری سرکار جو بھی اقدام اُٹھائے گی وہ عوامی مفاد میں ہوگا اور ہم جموںو کشمیرکے لوگوں کو بہترانتظامیہ فراہم کرنے میں کوئی دقیقہ فروگزاشت نہیں کرینگے ۔ایس پی اوز کو ابھی تک اجرتیں واگزار نہ ہونے اور سرکار کی جانب سے اس سلسلے میں اقدامات ا ٹھانے کے سال کاجواب دیتے ہوئے انہوںنے کہاکہ اس ضمن میں جموںو کشمیر پولیس کے اعلیٰ حکام سے بات کی جائے گی اور جتنے بھی مشکلات ہونگے انہیں حل کرناسرکارکی ذمہ داری ہے ۔بھارتیہ جنتاپارٹی کی جانب سے سرکار کوتنقید کانشانہ بنانے کے سوال کاجواب دیتے ہوئے وزیر نے کہاکہ تنقید برائے تعمیرہوتو سر آنکھوں پراگرتنقید برائے تنقید ہو تولوگ بہتر جج ہےں وہ فیصلہ کرے کہ جوکام انہوں نے پچھلے دس برسوں کے دوران کئے ہیںوہ سامنے لائےں ۔ستیش شرما نے کہاکہ وزیراعظم جموںو کشمیر کے تئیں انتہائی سنجیدہ ہے او روزیراعلیٰ کے نئی دہلی دورہ کے وقت وزیراعظم سے ان کی خصوصی ملاقات کے دوران انہیں یقین دالایاگیاکہ نئی سرکار کو مشکلات کاسامنانہیں کرنا پڑیگا ۔مودی نے یقین دلایا کہ جموںو کشمیرکے عوام کوبہترسہولیات فراہم کرنے کے لئے مرکزی سرکار کی جانب سے ہرممکن مدد فراہم کی جائے گی ۔امورصارفین عوامی تقسیم کاری محکمہ کے وزیر نے کہاوزیراعظم نے جس طرح جموںو کشمیرکے تئیں سنجیدگی کامظاہراہ کیاہے ہمیں اس بات کایقین ہے کہ نئی سرکار ان تمام مصائب ومشکلات پر قابوپانے میں کامیاب ہوگی جو اس وقت لوگوں کودرپیش ہیں ۔