وزیر سکینہ مسعود اِیتو نے محکمہ سوشل ویلفیئر کے تعارفی میٹنگ کی صدارت کی

محکمہ کے کام کاج اور کارکردگی کا جائزہ لیا
کہا، ہمارے آنے والی نسلوں کو بچانے کیلئے جموں وکشمیر میں منشیات کی لت کے خلاف ٹھوس اَقدامات شروع کریں
وزیر برائے سماجی بہبود ، تعلیم ، صحت اور طبی تعلیم سکینہ مسعود اِیتو نے آج افسران پر زور دیا کہ وہ اَپنی آنے والی نسلوں کو بچانے کے لئے جموں و کشمیر میں منشیات کی لت کے خلاف ٹھوس اقدامات شروع کریں۔اُنہوں نے اِن باتوں کا اِظہار آج محکمہ سوشل ویلفیئر کی کارکردگی اورکام کاج کا جائزہ لینے کے لئے منعقدہ تعارفی میٹنگ کی صدارت کرتے ہوئے کیا۔دورانِ میٹنگ وزیر موصوفہ نے افسران پر زور دیا کہ وہ معاشرے سے اس برائی کے خاتمے کے لئے دیگر محکموں اور قانون عملانے والے اِداروں کے ساتھ مل کر کام کریں۔ اُنہوں نے افسران سے کہاکہ وہ ہر ضلع اور سب ڈِسٹرکٹ ہسپتال میں ڈرگ ڈی۔ایڈکشن سینٹروں کو قائم کرنے کا عمل شروع کریں تاکہ اس خطرے کے شکار اَفراد کو بچایا جا سکے اور ان کی مناسب طریقے سے کونسلنگ کی جا سکے۔اُنہوں نے محکمہ کی مختلف سکیموں کی کارکردگی کا جائزہ لیتے ہوئے اِس بات پر زور دیا کہ یہ محکمہ عام لوگوں کے ساتھ ساتھ پسماندہ طبقے کی کمیونٹیوں کی فلاح و بہبود کا مرکز ہے۔ اُنہوں نے انہیں مشورہ دیا کہ وہ تند ہی اور خلوص کے ساتھ کام کریں تاکہ ان سکیموں کو صحیح طریقے سے عملایاجاسکے اس کا فائدہ مستحقین تک پہنچ سکے۔ سکینہ مسعود اِیتو نے ون سٹاپ سینٹروں ( او ایس سیز) ، آنگن واڑی مراکز ، ناری عدالتوں اور ایس ڈبلیو ڈی کے دیگر پہلوو¿ںکے کام کاج کاجائزہ لیتے ہوئے کمشنر سیکرٹری ایس ڈبلیو ڈی کو ہدایت دی کہ وہ او ایس سی میں فراہم کی جانے والی امداد کے بارے میں خواتین میں زیادہ سے زیادہ بیداری پیدا کریں۔ اُنہوں نے کمشنر سیکرٹری سے کہا کہ وہ بیداری پیدا کرنے کے لئے ریڈیو اور ٹی وی جیسے روایتی ذرائع کا اِستعمال کریں کیوں کہ ان ذرائع کی زیادہ سے زیادہ رسائی ہے۔وزیر موصوفہ نے آنگن واڑی مراکز کے بارے میں افسروں کو ہدایت دی کہ وہ ان مراکز کے اِستفادہ کنندگان کو غذائیت فراہم کرنے کے عمل میں مزیدشفافیت اور جوابدہی لائیں۔دورانِ میٹنگ سکینہ مسعود اِیتونے کمشنر سیکرٹری کو ہدایت دی کہ وہ میریج اسسٹنس کو موجودہ 50,000 روپے سے بڑھا کر 75,000 روپے کرنے کی فزیبلٹی کا جائزہ لیں۔اُنہوں نے ایس ڈبلیو ڈی کی ہیومن ریسورس پوزیشن کا جائزہ لیتے ہوئے افسران کو ہدایت دی کہ وہ تمام خالی اَسامیوں کو فاسٹ ٹریک بنیادوں پر پُرکریں اور مستقل بنیادوں پر بھرتی ایجنسیوں کو اسامیاں بھیجیں۔ اُنہوں نے ان سے باقاعدہ ڈی پی سی کرنے کو بھی کہا تاکہ ملازمین کو ان کی مقررہ تاریخوں پر ترقی دی جاسکے۔میٹنگ میں کمشنرسیکرٹری ایس ڈبلیو ڈی شیتل نندا، ڈائریکٹر جنرل وومن اینڈ چائلڈ ڈیولپمنٹ، سیکرٹری ایس ڈبلیو ڈی ، ایم ڈی وومن ڈیولپمنٹ کارپوریشن، ڈائریکٹر سوشل ویلفیئر کشمیر، مشن ڈائریکٹر آئی سی ڈِی ایس، مشن ڈائریکٹر وتسالیہ/شکتی، کمشنر بازآبادکاری کونسل،کمشنرجسمانی طور خاص اَفراد، ایم ڈی ایس سی، ایس ٹی کارپوریشن، سیکرٹری ایڈوائزری بورڈ برائے او بی سی، ایس سی، پہاڑی بولنے والے اور دیگر متعلقہ افسران نے شرکت کی۔