سری نگرکی شیر کشمیر پارک میں بڑی انتخابی ریلی ،وزیراعظم نریندر مودی کریں گے اہم خطاب

شہر میں فقیدالمثال سیکورٹی انتظامات،مقام ِ جلسہ گاہ عملاً سیل
 حکام نے اپنی تیاریوں اور ضروری انتظامات کو دی حتمی شکل،اضافی سیکورٹی دستے جگہ جگہ تعینات
سرینگر/اسمبلی انتخابات کے دوسرے مرحلے کی مہم شروع کرنے کیلئے آج یعنی19ستمبربروزجمعرات کو وزیراعظم مودی کی سری نگر آمد کے پیش نظر گرمائی دارالحکومت میں سیکورٹی کے سخت ترین انتظامات کئے گئے ہیں ۔لالچوک سمیت تمام حساس ومصروف مقامات پرپولیس وفورسزکے اضافی دستے تعینات کئے گئے ہیں جبکہ انتخابی ریلی کے مقام ’شیر کشمیر پارک ‘کے گردونواح میں کثیر سطحی حفاظتی چادرڈال دی گئی ہے ۔جے کے این ایس کے مطابق18ستمبربروزبدھ کو تین مراحل پر مشتمل اسمبلی انتخابات کاپہلا مرحلہ یعنی24حلقوںمیں پولنگ کا عمل مکمل ہونے کے بعد اگلے د ن یعنی آج19ستمبر کو وزیراعظم مودی ،سری نگرکی شیر کشمیر پارک سے بھاجپا کی انتخابی مہم شروع کریں گے ۔مذکورہ پارک میں منعقد ہونے والی انتخابی ریلی میں بڑی تعدادمیں لوگوںکی شرکت کو دیکھتے ہوئے سیکورٹی حکام نے بھی اپنی تیاریوں اور ضروری انتظامات کو حتمی شکل دی ہے ،جبکہ اس ریلی میں شرکت کیلئے شمالی،وسطی اورجنوبی کشمیر سے آنے والے لوگوں کی گاڑیوں کومخصوص مقامات پرپارک کیاجائے گا ،جہاں سے پھرلوگ جلسہ گاہ پیدل پہنچیں گے ۔ ایک سینئر پولیس اہلکار نے بتایاکہ وزیر اعظم نریندر مودی کی بدھ کو ہونے والی انتخابی ریلی سے قبل یہاں کے شیر کشمیر پارک سری نگر کے آس پاس کے علاقے کو کثیر سطحی حفاظتی چادر میں ڈال دیا گیا ہے۔ جموں وکشمیرمیں ہونے والے اسمبلی انتخابات سے پہلے کشمیر میں بی جے پی امیدواروں کےلئے وزیراعظم مودی کی یہ پہلی ریلی ہوگی۔انسپکٹر جنرل آف پولیس کشمیرزون وی کے بردی نے منگل کو کہا کہ ہم نے VVIPکے دورے کے لئے اس طرح کے پروگراموں کے لئے طے شدہ معیاری آپریٹنگ طریقہ کار کے مطابق کثیر سطحی حفاظتی انتظامات کئے ہیں۔انتخابی ریلی کا مقام ’شیر کشمیر پارک ‘ مشہور لال چوک کلاک ٹاور سے ایک کلومیٹر کے فاصلے پر ہے۔وی کے بردی نے کہا کہ جموں وکشمیر پولیس نے سیکورٹی کے مناسب انتظامات کئے ہیں۔انہوںنے کہاکہ ہم اس بات کو یقینی بنانے کےلئے باقاعدہ ٹریول ایڈوائزری جاری کریں گے کہ ایونٹ ہموار ہو اور لوگوں کو کم سے کم تکلیف کا سامنا کرنا پڑے۔سرکاری عہدیداروں نے بتایا کہ وزیراعظم مودی کی ریلی کے مقام کی طرف جانے والی سڑکوں کے ساتھ بڑی تعداد میں سیکورٹی اہلکاروں کو تعینات کیا گیا ہے۔انہوں نے کہا کہ پولیس اور نیم فوجی دستوں نے درجنوں مقامات پر گاڑیوں کی بے ترتیب چیکنگ کو تیز کر دیا ہے اور خصوصی چوکیاں قائم کی گئی ہیں۔سیکورٹی فورسز