مرکزی وزیر انّاپورنا دیوی نے رانچی  میں وزارت  کی مختلف اسکیموں کی پیش رفت کا جائزہ لیا

  نئی دلی۔ رانچی میں پروجیکٹ بلڈنگ، کانفرنس روم میں منعقدہ میٹنگ کے دوران، وزیر موصوفہ نے وزیر اعظم کا شکریہ ادا کیا اور 70 سال سے زیادہ عمر کے لوگوں کا احاطہ کرنے کے لیے پی ایم آیوشمان بھارت جن آروگیہ یوجنا (پی ایم اے بی-جے اے وائی( کے اضافہ شدہ دائرہ کار کو اجاگر کیا۔ اس کے ساتھ ساتھ آیوشمان بھارت اسکیم کے تحت آنگن واڑی کارکنوں اور مددگاروں کو شامل کرنے سے بھارت میں بیمہ کی رسائی میں اضافہ ہوگا۔انہوں نے بہتر خدمات کی فراہمی کو یقینی بنانے کے لیے منی آنگن واڑی مراکز کو ترقی دے کر مکمل اے ڈبلیو سی بنائے جانے کی اہمیت پر بھی زور دیا۔ اس سمت میں، جھارکھنڈ میں 2,551 منی اے ڈبلیو سی کو ترقی دے کر مکمل اے ڈبلیو سی میں اپ گریڈ کرنے کی منظوری دی گئی۔وزیر موصوفہ نے اس بات پر روشنی ڈالی کہ مشن سکشم آنگن واڑی کے ایک حصے کے طور پر اپ گریڈیشن، بچوں کی نشوونما، غذائیت اور صحت میں مربوط خدمات فراہم کرنے والے بہتر سہولیات سے لیس مراکز بنانے پر توجہ مرکوز کرتی ہے۔ اس سمت میں، ریاست جھارکھنڈ میں 6850 آنگن واڑی مراکز کو پہلے ہی اپ گریڈ کرنے کی منظوری دی جا چکی ہے۔انہوں نے خاص طور پر پی ایم۔جن من سکیم کے ذریعے قبائلی برادری کی بہبود کے لیے وزیر اعظم کے عزم کو اجاگر کیا۔ اسے کامیاب بنانے کے لیے، جھارکھنڈ میں 111 آنگن واڑی مراکز کو فنڈز مختص کیے گئے ہیں، جن میں خاص طور پر کمزور و کثیر قبائلی آبادی والے علاقوں کا احاطہ کیا گیا ہے۔مزید برآں، وزیر موصوفہ نے، اس بات کو اجاگر کرتے ہوئے کہ ملک بھر میں 3.8 کروڑ سے زیادہ سرگرمیاں مکمل ہو چکی ہیں، موجودہ پوشن ماہ کی تقریبات کا بھی اعتراف کیا۔ صرف جھارکھنڈ میں، ’’ایک پیڑ ماں کے نام‘‘ مہم کے تحت 26 لاکھ سے زیادہ سرگرمیاں انجام دی گئی ہیں۔