میر واعظ بات چیت کے لئے تیار تاہم حکومت ہند کی طرف سے ابھی تک کوئی رد عمل سامنے نہیں آیا :حریت کانفرنس

سری نگر09 ستمبر(یو این آئی) کل جماعتی حریت کانفرنس جس کی قیادت میرواعظ مولوی محمد عمر فاروق کررہے ہیں نے وزیردفاع شری راجناتھ سنگھ کی جانب سے بانہال اور رام بن کے انتخابی جلسوں کے دوران دیئے گئے بیانات پر وضاحت کرتے ہوئے کہا ہے کہ ستمبر 2016 میں جب حریت کانفرنس کے چیرمین میرواعظ کو جب چشمہ شاہی سرینگر کے سب جیل میں مقید کردیا گیا تھا اس دوران جیل حکام کی طرف سے انہیں محترمہ محبوبہ مفتی صاحب جو کہ اس وقت ریاست کی وزیراعلیٰ تھیں کی ذاتی حیثیت سے ایک خط تھما دیا گیا جس میں میرواعظ صاحب سے درخواست کی گئی تھی کہ وہ کشمیر کے دورے پر آئے ہوئے بھارت کے حزب اختلاف کے اراکین پارلیمنٹ سے ملاقات کریں۔