راجوری سڑک حادثے میں طالب علم جاں بحق،چار دیگر زخمی

جموں07 ستمبر/جموں وکشمیر کے راجوری ضلع کے پالما علاقے میں ہفتے کے روز ایک نجی گاڑی کو حادثہ پیش آیا جس کے نتیجے میں طالب علم جاں بحق جبکہ چار دیگر زخمی ہوئے ہیں۔

اطلاعات کے مطابق ہفتے کی صبح راجوری کے پالماعلاقے میں اس وقت سراسیمگی دوڑ گئی جب نجی گاڑی ڈرائیور کے قابو سے باہر ہو کر سڑک پر الٹ گئی جس کے نتیجے میں گاڑی میں سوار پانچ طلبا زخمی ہوئے۔

معلوم ہوا ہے کہ زخمیوں کو طبی امداد کی خاطر نزدیکی ہسپتال منتقل کیا گیا تاہم وہاں پر تعینات ڈاکٹروں نے ایک طالب علم کو مردہ قرار دیا۔

دریں اثنا پولیس نے معاملے کی نسبت کیس درج کرکے مزید تحقیقات شروع کی ہے۔