وزیراعظم مودی نے سنگاپور کی سیمی کنڈکٹر کمپنیوں کو سیمیکن انڈیا نمائش کے لیے مدعو کیا

سنگاپور/ وزیر اعظم نریندر مودی نے اپنے سنگاپور کے ہم منصب لارنس وونگ کے ساتھ اے ای ایم ہولڈنگس لمیٹڈ کی سیمی کنڈکٹر سہولت کا دورہ کیا اور سنگاپور کی سیمی کنڈکٹر کمپنیوں کو 11 ستمبر سے گریٹر نوئیڈا میں منعقد ہونے والی سیمیکن انڈیا نمائش میں شرکت کی دعوت دی۔ وزارت خارجہ  کی پریس ریلیز کے مطابق، سیمی کنڈکٹر سہولت کے دورے کے دوران، پی ایم مودی اور لارنس وونگ کو عالمی سیمی کنڈکٹر ویلیو چین میں AEM کے کردار، اس کے آپریشنز اور ہندوستان کے لیے اس کے منصوبوں کے بارے میں بتایا گیا۔ ایک پریس ریلیز میں، وزارت خارجہ امور نے کہا، "سنگاپور سیمی کنڈکٹر انڈسٹری ایسوسی ایشن نے سنگاپور میں سیمی کنڈکٹر ماحولیاتی نظام کی ترقی اور ہندوستان کے ساتھ تعاون کے مواقع پر بریفنگ دی۔اس سیکٹر سے کئی دیگر سنگاپوری کمپنیوں کے نمائندے بھی موجود تھے۔ وزیر اعظم نے سنگاپور کی سیمی کنڈکٹر کمپنیوں کو 11-13 ستمبر 2024 کو گریٹر نوئیڈا میں منعقد ہونے والی  سیمی کون انڈیا نمائش میں شرکت کی دعوت دی۔