ڈاکٹر حنا شفیع بٹ نے کے وِی آئی بی کے106 ویںبورڈ آف ڈائریکٹرز میٹنگ کی صدارت کی

چیئرپرسن جموں وکشمیر کے وِی آئی بی ڈاکٹر حنا شفیع بٹ نے آج سول سیکرٹریٹ میں جموں و کشمیر کے وِی آئی بی کے106 ویں بورڈ آف ڈائریکٹرز میٹنگ کی صدارت کی۔ میٹنگ میںکمشنر محکمہ صنعت وحرفت وِکرم جیت سنگھ ، رجسٹرار کوآپریٹیو جموں و کشمیر، ڈائریکٹر جنرل کوڈز، ڈائریکٹر آئی اینڈ سی جموں، مشن ڈائریکٹرنیشنل لائیولی ہڈ مشن اور ڈائریکٹر آئی اینڈ سی کشمیر، بورڈ کے سینئر افسران بھی موجود تھے۔دورانِ میٹنگ جموں و کشمیر کے وِی آئی بی کی کارکردگی کا جائزہ لیا گیا اور بتایا گیا کہ بورڈنے قومی سطح پر تعریفیں حاصل کرتے ہوئے وزیر اعظم ایمپلائمنٹ جنریشن پروگرام (پی ایم اِی جی پی) کے تحت مسلسل بہترین کارکردگی کا مظاہرہ کرنے والی ایجنسیوں میں شامل کیا ہے۔میٹنگ کو جانکاری دی گئی کہ مالی برس 2023-24ءکے دوران کے وی آئی بی نے 8,401 یونٹوں کے قیام کے لئے 166.62 کروڑ روپے کی مارجن منی جاری کئے ہیں جس سے پی ایم اِی جی پی اور جے کے آر اِی جی پی کے تحت 65,376 اَفراد کے لئے روزگار کے مواقع پیدا ہوئے ہیں۔ یہ بات قابلِ ذکر ہے کہ بورڈ نے اَپنے طبعی اور مالیاتی اہداف کو 654 فیصد اور 385 فیصد تک بڑھا یا ہے جسے بورڈ کے ڈائریکٹرز کی نے سراہا ہے ۔بورڈ کو بتایا گیا کہ روایتی صنعتوں کی بحالی کے لئے فنڈ کی سکیم (ایس ایف یو آر ٹی آئی) کے تحت مرکزی وزارتِ ایم ایس ایم ای نے 19.66 کروڑ روپے کی مالی اِمداد کے ساتھ 8 کلسٹروں کو منظوری دی ہے جن میں سے اننت ناگ اور بڈگام میں دستکاری سرگرمی کے تحت دو کلسٹروں کا اِفتتاح لیفٹیننٹ گورنر جموںوکشمیریو ٹی نے کیا۔مزید بتایا گیا کہ مگس بانی اور دستکاری کی سرگرمیوں کے تحت باقی کلسٹرز عمل در آمد کے مختلف مراحل میں ہیں۔ڈاکٹر حنا شفیع بٹ نے روزگار پیدا کرنے کے پروگراموں کے کامیاب عمل آوری میں جموں و کشمیر کے وی آئی بی کی کوششوں اور کردار کو سراہتے ہوئے تمام متعلقہ افراد پر زور دیا کہ وہ اس بات کو یقینی بنانے کے لئے اَپنی کوششوں کو تیز کریں کہ سکیموں کے فوائد خواہشمند کاروباری اَفراد اور ٹارگٹ گروپوں تک پہنچیں۔ اُنہوں نے اِس بات پر زور دیا کہ فیلڈ لیول اَفسران ضلع اِنتظامیہ، مالیاتی اِداروں اور پنچایتی راج اِداروں (پی آر آئیز) کے ساتھ قریبی اشتراک کریں تاکہ مستحقین کو جامع مدد فراہم کی جاسکے۔اُنہوں نے جموں و کشمیر کے وِی آئی بی کی طرف سے نافذ کردہ سکیموں اور پروگراموں کے بارے میں بیداری پھیلانے کی اہمیت پر بھی زور دیا۔ اُنہوں نے سیکرٹری اورسی اِی او کو مشورہ دیا کہ وہ رواں مالی برس میں بورڈ کی جانب سے منعقد ہونے والے ایونٹوں کا تفصیلی کیلنڈر تیار کریں۔کمشنر سیکرٹری صنعت و حرفت نے پی ایم اِی جی پی اور پی ایم اِی جی پی جیسی روزگار پیدا کرنے والی سکیموں کو عملانے میں غیر معمولی کارکردگی کے لئے جموں و کشمیر کے وِی آئی بی کی سراہنا کی۔ تاہم اُنہوں نے اس بات پر زور دیا کہ متعلقہ افسران بینک مسترد ہونے کے کیسوں کو کم سے کم کریں اور کیسوں کوصرف حقیقی وجوہات کی بنا پر مسترد کئے جائیں۔ اُنہوں نے بورڈ پر زور دیا کہ وہ اِس بات کو یقینی بنائے کہ سکیم کے فوائد مو¿ثر طریقے سے ہدف والے گروپ تک پہنچیں۔ کمشنر سیکرٹری صنعت و حرفت نے تعلیم یافتہ بے روزگار نوجوانوں کے لئے کاروباری ماحولیاتی نظام تیار کرنے کی فوری ضرورت پر زور دیا اور مزید کہا کہ حکومت نے اِس سمت میں بہت سے اقدامات اُٹھائے ہیں۔اِس سے قبل بورڈ آف ڈائریکٹرز نے جموں و کشمیر کے وِی آئی بی کے عملے کی تنظیم نو کی تجویز کو اِنتظامی محکمہ کو پیش کرنے کی منظوری دی اور یہ بھی بتایا گیا کہ تنظیم نو حقیقی ضروریات اور کام کی نوعیت اور مقدار پر مبنی ہے۔