ماریشس کے وزیر خارجہ نے ہندوستان کا شکریہ ادا کیا

پورٹ لوئس/ماریشس کے وزیر خارجہ منیش گوبن نے منگل کو ماریشس کے لیے اس کی غیر متزلزل حمایت کے لیے ہندوستان کا شکریہ ادا کیا۔ گوبن نے اسے ایک  ‘اہم دن’ قرار دیا  جب انہوں نے وزیر خارجہ ایس جے شنکر کے ساتھ ترقیاتی پروجیکٹوں کا افتتاح کیا ۔  ایکس پر ایک پوسٹ میں، گوبن نے کہا، "ہم  بھارت کے وزیر  خارجہ  ڈاکٹر ایس  جئے شنکر کا شکریہ ادا کرتے ہیں کہ انہوں نےترقیاتی   منصوبوں کے  حوالے سے  بھارت کی مسلسل حمایت کی توثیق کی ۔  بھارتی وزیر خارجہ  ڈاکٹر ایس جے شنکر نے ایکس پر مطلع کیا کہ انہوں نے ہائی امپیکٹ کمیونٹی ڈیولپمنٹ پروجیکٹس کا افتتاح کیا، ایم او یوز کا تبادلہ کیا، اور او سی آئی کارڈز حوالے کیے۔ غور طلب ہےکہ  وزیر خارجہ ایس جے شنکر منگل کو دو روزہ سرکاری دورے پر ماریشس پہنچے۔ انہوں نے ماریشس کے وزیر خارجہ منیش گوبن کا گرمجوشی سے استقبال کرنے پر شکریہ ادا کیا اور کہا کہ وہ دونوں ممالک کے درمیان خصوصی تعلقات کو آگے بڑھانے کے لیے نتیجہ خیز مصروفیات کے منتظر ہیں۔