لیفٹیننٹ گورنر کا شہری منصوبہ بندی پر وزارتِ داخلہ کی اعلیٰ سطحی کمیٹی کے سری نگر کنکلیو سے خطاب

لیفٹیننٹ گورنر نے ٹاﺅن پلانروں ، اَربن ڈیزائنروں اور ماہرین سے مستقبل کیلئے
تیار شہروں کی تعمیر پر توجہ مرکوز کرنے زور دِیا
کہا،ہمارے شہر ملک کی ترقی کے شہریوں کے خوابوں اور اُمنگوں کو پورا کرنے میں بھی کلیدی کردار اَدا کررہے ہیں
بڑھتی ہوئی اَربنائزیشن بڑھتی ہوئی اُمنگوں کی عکاسی کرتی ہے۔ شہری منصوبہ بندی دیرپا بنیادی ڈھانچے کی تعمیر اور رہائشیوں کو خوشحال بنانے کے قابل ہونی چاہئے۔ لیفٹیننٹ گورنر
کہا،وزیر اعظم نریندر مودی کی رہنمائی میں شہری بحالی اور سمارٹ سٹی مہم جیسے متعدد اَقدامات کے تحت شہری منصوبہ ساز معیارِ زندگی کو بہتر بنانے کےلئے شہروں کی زیادہ جامع ترقی تلاش کر رہے ہیں
لیفٹیننٹ گورنر کا شہری صلاحیتوں کو کھولنے کےلئے شراکت داروں اور کمیونٹی سے اِجتماعی کوششوں پر زور
سری نگر/04 جولائی2024ئ
لیفٹیننٹ گورنرمنوج سِنہا نے مرکزی وزارتِ ہاﺅسنگ اور شہری اَمور کی شہری منصوبہ بندی سے متعلق اعلیٰ سطحی کمیٹی کے سری نگر کنکلیو سے خطاب کیا۔لیفٹیننٹ گورنر نے اَپنے کلیدی خطاب میں اعلیٰ سطحی کمیٹی کے ممبران اور تمام ماہرین کو مُبارک باد پیش کی۔اُنہوں نے کہا کہ تمام ریاستوں اور شہری منصوبہ سازوں کے ساتھ دو دِن کی طویل بات چیت اور سفارشات سے ملک میں شہری منصوبہ بندی میں اِصلاحات سے متعلق کمیٹی کی حتمی رِپورٹ تیار کرنے میں مدد ملے گی۔لیفٹیننٹ گورنر نے ٹاو¿ن پلانروں، اَربن ڈیزائنروں اور ماہرین پر زور دیا کہ وہ مستقبل کے لئے تیار شہروں کی تعمیر پر توجہ مرکوز کریں۔ اُنہوں نے کہا کہ اِنتہائی موسمی واقعات ، آب و ہوا کی تبدیلی کے اَثرات اور غیر متوقع موسمی پیٹرن کو دیکھتے ہوئے مستقبل کے محفوظ شہروں کے لئے شہری منصوبہ بندی پر توجہ مرکوز کرنا ضروری ہے۔اُنہوںنے یوٹی اِنتظامیہ کے شہری تبدیلی اور دیرپا ، جامع اور محفوظ شہروں کی تعمیر کے لئے یو ٹی اِنتظامیہ کے عزم کا اعادہ کیا جو لوگوں کی ضروریات کو پورا کرتے ہیں اور اِقتصادی ، معاشرتی اور آب و ہوا کے چیلنجوں سے مو¿ثر طریقے سے نمٹنے کے قابل ہیں۔لیفٹیننٹ گورنر نے کہا،”ہمارے شہر ملک کی ترقی کے شہریوں کے خوابوں اور اُمنگوں کو پورا کرنے میں بھی کلیدی کردار اَدا کر رہے ہیں۔ بڑھتی ہوئی اَربنائزیشن بڑھتی ہوئی اُمنگوں کی عکاسی کرتی ہے۔ شہری منصوبہ بندی دیرپا بنیادی ڈھانچے کی تعمیر اور رہائشیوں کو خوشحال بنانے کے قابل ہونی چاہئے۔“اُنہوں نے وزیر اعظم نریندر مودی کی رہنمائی میں متعارف کی گئی شہری اصلاحات پر روشنی ڈالتے ہوئے کہا کہ شہری بحالی اورسمارٹ سٹی مہم جیسے اہم اَقدامات سے شہری منصوبہ ساز معیار ِزندگی کو بہتر بنانے کے لئے شہروں کی زیادہ جامع ترقی کی تلاش کر رہے ہیں۔اِس موقعہ پر لیفٹیننٹ گورنر نے شہریت کے چیلنجوں سے نمٹنے اور تمام شہریوں کے لئے معیارِ زندگی کو یقینی بنانے پر توجہ مرکوز کرتے ہوئے کچھ قیمتی تجاویز پیش کیں۔اُنہوں نے اعلیٰ سطحی کمیٹی پر زور دیا کہ وہ جدید سہولیات اور قدرتی ورثے کے درمیان توازن پیدا کرے اور مستقبل کی شہری منصوبہ بندی میں معیاری رہائش گاہ پر توجہ مرکوز کرے۔ لیفٹیننٹ گورنر نے دیرپا شہریت اور جامع، ہمہ جہت شہری ترقی، شہری اور مستقبل کی تیاری کی ضرورت پر بھی زور دیا۔
اُنہوں نے شراکت داروںاور کمیونٹی پر زور دیا کہ وہ شہری صلاحیتوں کو کھولنے اور دیہی اور شہری سہولیات میں فرق کو ترجیحی بنیادوں پرختم کرنے کے لئے اہم اَقدامات کریں۔ اِس سلسلے میں لیفٹیننٹ گورنر نے سیٹلائٹ شہروں اور دیہی علاقوں میں معاشی سرگرمیوں اور معیارِ زندگی کو نئے سرے سے فروغ دینے پر زور دیا ۔ لیفٹیننٹ گورنر نے کہا کہ شہروں کی ماحولیاتی صلاحیت مستقبل میں اُن کی معاشی صلاحیت کی بنیاد بن جائے گی۔ اُنہوں نے کہا کہ روزگار اور کاروباری مواقع پیدا کرنے کے لئے تجارتی مرکز کی ترقی پر توجہ مرکوز کرتے ہوئے عوامی سہولیات اور مقامات قابل رَسائی اور جامع ہونے چاہئیں۔اُنہوںنے شہری منصوبہ بندی اور ترقیاتی پالیسی میں شہریوںکے تاثرات اور غیر متوقع موسمی پیٹرن کو شامل کرنے کے علاوہ شہر کے انتظام کے ملٹی ماڈل اِنٹگریٹیڈ ٹرانسپورٹیشن اور ریسپانس سسٹم کو مضبوط بنانے کی تجویز دی۔لیفٹیننٹ گورنرنے منصوبہ بندی کے عمل کے دوران کنکٹویٹی، تکنیکی بنیادی ڈھانچے، گرین اِنفراسٹرکچر، کمیونی کیشن اِنفراسٹرکچر، ماحولیاتی تحفظ اور عوامی تحفظ پر خصوصی توجہ دینے کی ضرورت پر زور دیا۔شہری منصوبہ بندی سے متعلق اعلیٰ سطحی کمیٹی کے چیئرمین کیشو ورما نے جموں و کشمیر کے شہری منظر نامے کو تبدیل کرنے کے لئے لیفٹیننٹ گورنر کی قیادت والی یو ٹی اِنتظامیہ کی ستائش کی۔شہری منصوبہ بندی کے ماہرین نے شہری منصوبہ بندی اور ترقی میں ضروری اِصلاحات پر بھی اَپنے اَپنے خیالات کا اِظہار کیا۔ اِس موقعہ پرچیئرمین جموں و کشمیر رئیل اسٹیٹ ریگولیٹری اَتھارٹی (جے کے آر ای آر اے)ستیش چندرا، کمشنر سیکرٹری مکانات و شہری ترقی محکمہ محترمہ مندیپ کور، صوبائی کمشنر کشمیر وِجے کمار بدھوری ، اعلیٰ سطحی کمیٹی اور آر اِی آر اے کے ممبران، شہری اور ٹاو¿ن پلاننگ کے ماہرین اور سینئر افسران موجود تھے۔