زون سوبگ، ہردو پانزو، چاڈورہ، بڈگام اور ماگام میں سرگرمیاں جاری
یوتھ سروسز اینڈ سپورٹس افسر بڈگام شری بلبیر سنگھ سوڈھی کی رہنمائی میں محکمہ یوتھ سروسز اینڈ اسپورٹس بڈگام کے زیر اہتمام انٹر اسکول زونل سطح کے مقابلے مختلف زونز میں زوروں شور سے جاری ہے۔ ٹیم ورک کے جذبے سے، ضلع بھر کے سکولوں کی پرجوش شرکت دیکھنے میں آئی ہے وہی زون چاڈورہ کے مقابلوں کا افتتاح سینئر فزیکل ماسٹر محمد یاسین شاہ نے ایکٹیویٹی انچارج رئیس احمد بٹ کے ہمراہ کیا، جس میں بوائز انڈر 14 اور انڈر 17 کیلئے کبڈی مقابلے منعقد کئے گیے۔ اوپن گراؤنڈ رانگر میں ایونٹس میں نوجوان کھلاڑیوں کو اپنی صلاحیتوں کا مظاہرہ کرنے کے لیے ایک متحرک پلیٹ فارم فراہم کیا گیا ہے۔ زون بڈگام کے بوائز ہائر سیکنڈری بڈگام میں، لڑکوں کے انڈر 14، انڈر 17 اور انڈر 19 کے کبڈی مقابلے، زونل افسر طارق احمد کی قیادت میں اور سینئر فزیکل ماسٹر شبیر احمد بٹ نے مقابلوں کا افتتاح جس میں اچھی تعداد میں طلاب نے حصہ لیا۔ اس تقریب نے کھیلوں میں نوجوانوں کی شمولیت کی اہمیت کو بھی اجاگر کیا گیا۔زون ہردو پانزو میں ہائر سیکنڈری اسکول میں انٹر اسکول ایونٹس بشمول کبڈی، کھو کھو اور والی بال برائے بوائز انڈر 17 کا افتتاح وائس پرنسپل محمد ابراہیم نے کیا۔اور جوش و خروش کے ساتھ بچوں نے مقابلوں میں شرکت کیں۔ زون سوئیبگ میں، گورنمنٹ ہائر سیکنڈری سکول سوئیبگ میں منعقد ہونے والے مقابلے میں والی بال، کھو کھو اور کبڈی میں تین سو سے زاید طلباء نے حصہ لیا۔سینئر لیکچرار سید سرور بخاری اور ایکٹیویٹی انچارج محمد ایوب خان نے طالبات کی لگن اور کھیل کود کی تعریف کی۔جبکہ مقابلوں کے دوران بچوں نے زبردست کھیل کا مظاہرہ کیا۔ادھر چناب ویلی کالج آف ایجوکیشن واگر کے زون ڈریگام میں، لڑکیوں کے کھو کھو مقابلے نے نوجوان طالبات کی اتھلیٹک صلاحیتوں کا مظاہرہ کیا۔ انچارج زون فاروق سجاد اور انیتا پنڈتا نے تقریب کی نظامت کی۔ زون ماگام کے مڈل اسکول پاری پورہ میں منعقدہ لڑکیوں کے انڈر 17 اور انڈر 19 کے کھو کھو، کبڈی اور والی بال کے مقابلوں میں چار سو سے زاید طلباء نے شرکت کیں جبکہ مجموعی طور پر انچارج محمد اشرف گنائی نے طلباء میں طاقت اور ٹیم ورک کو فروغ دینے میں کھیلوں کے کردار پر زور دیا۔ واضح رہے یہ تقریبات بڈگام میں ایک متحرک کھیلوں کی ثقافت کو فروغ دینے کے لیے ڈسٹرکٹ سپورٹس آفس کے عزم کی عکاسی کرتی ہیں۔
