رشتہ داروں کی جانب سے آخری رسومات انجام دینے کی اطلاع، زندہ شخص حیرت زدہ

رشتہ داروں کی جانب سے آخری رسومات انجام دینے کی اطلاع پا کر ایک شخص حیرت زدہ ہوگیا۔ یہ واقعہ تلنگانہ کے وقارآباد ضلع کے بشیر آباد منڈل میں پیش آیا۔
رشتہ داروں کی جانب سے آخری رسومات انجام دینے کی اطلاع، زندہ شخص حیرت زدہ رشتہ داروں کی جانب سے آخری رسومات انجام دینے کی اطلاع، زندہ شخص حیرت زدہ
حیدرآباد: رشتہ داروں کی جانب سے آخری رسومات انجام دینے کی اطلاع پا کر ایک شخص حیرت زدہ ہوگیا۔ یہ واقعہ تلنگانہ کے وقارآباد ضلع کے بشیر آباد منڈل میں پیش آیا۔تفصیلات کے مطابق ناوندگی گاو¿ں کا رہنے والا 45سالہ یلپا 2 روز قبل کسی کام سے گھر سے نکلا اور واپس نہیں آیا۔ ہفتہ کی رات یلپا کے ارکان خاندان کو وقارآباد ریلوے پولیس کی طرف سے ایک فون کال موصول ہوا جس میں بتایا گیا کہ اس شخص کی موت مبینہ طور پر ٹرین سے ٹکرانے کے بعد ہوئی ہے۔پولیس کو لاش کے قریب اس کا سل فون ملا جس پر پولیس نے سمجھا کہ یہ لاش یلپا کی ہی ہے۔ یلپا کی موت کی خبر گھر والوں کو پہنچتے ہی گھر میں کہرام مچ گیا۔ اس کے غمزدہ ارکان خاندان کومردہ خانہ لے جایا گیا جہاں ایک شخص کی لاش دکھائی گئی۔خوفناک حادثہ کی وجہ سے اس کا چہرہ بگڑ گیا تھا، گھر والوں نے یہ سمجھا کہ یلپا کی لاش ہے۔ گھر والوں نے یلپا کی آخری رسومات کے لیے تمام انتظامات کر لیے اور اپنے رشتہ داروں کو مطلع کر دیا تھا۔اسی دوران یلپا کے ایک رشتہ دار نے اسے تانڈورمیں دیکھا اور اس شخص کو سارے واقعہ سے واقف کروایا۔ پریشان یلپا نے اپنے گھر والوں سے فون پر رابطہ کیا اور انہیں بتایا کہ وہ زندہ ہے۔اس کے بعد وہ گھر پہنچا اور گھر والوں سے ملاقات کی جو اسے زندہ دیکھ کر روپڑے۔یلپا نے ریلوے پولیس کو بتایا کہ کسی نے ا س کا موبائل فون چوری کر لیا تھا۔ پولیس کو شبہ ہے کہ اس شخص نے یلپّا کا موبائل فون چوری کیا ہوگا یا اسے ریلوے اسٹیشن کے قریب کہیں سے ملا ہے۔ پولیس اب حادثہ میں ہلاک ہونے والے شخص کی شناخت کی کوششں کر رہی ہے۔