سرینگر کو ورلڈ کرافٹ سٹی کے طور پر پہچان مل گئی

وزیر اعظم نریندر مودی نے جموں و کشمیر کے دستکاری اور ہینڈلوم سیکٹر کے لیے بھرپور حمایت ظاہر کی ۔ ایل جی
سرینگر/24 جون//ورلڈ کرافٹس کونسل نے سری نگر کو ورلڈ کرافٹس سٹی کے طور پر تسلیم کیا ہے۔ یہ باوقار اعزاز شہر کے شاندار ورثے اور اس کے کاریگروں کی غیر معمولی مہارت کو فروغ دے گا۔وائس آف انڈیا کے مطابق جموں کشمیر کے گرمائی دارالحکومت سری نگر کو عالمی دستکاری شہر کی پہچان مل گئی۔اس پہچان کے ساتھ سری نگر میں سیاحت کو وسعت ملے گی۔ یہ کامیابی سری نگر کو 2021 میں یونیسکو کے تخلیقی شہر برائے دستکاری کے طور پر تسلیم کیے جانے کے بعد حاصل ہوئی ہے۔اس تاریخی کامیابی پر مبارکباد دیتے ہوئے لیفٹیننٹ گورنر منوج سنہا نے کہا کہ یہ اعزاز ہمارے کاریگروں کی محنت اور غیر معمولی صلاحیتوں کا منہ بولتا ثبوت ہے۔یہ ان کی لگن کو ثابت کرتا ہے اور سری نگر کی ثقافتی دولت کو نمایاں کرتا ہے۔ ہم اپنے دستکاروں کی مدد کرنے اور اس بات کو یقینی بنانے کے لیے پرعزم ہیں کہ یہ پہچان کمیونٹی کے لیے ٹھوس فوائد میں ترجمہ کرے۔انہوں نے کہا کہ وزیر اعظم نریندر مودی نے جموں و کشمیر کے دستکاری اور ہینڈلوم سیکٹر کے لیے بھرپور حمایت ظاہر کی ہے۔ وہ جموں اور کشمیر کے کاریگروں کی طرف سے تیار کردہ یادگاریں عالمی رہنماو¿ں کو تحفے میں دے کر خطے کی دستکاری کو فعال طور پر فروغ دیتا ہے، جس سے اس خطے کی دستکاری اور ثقافتی ورثے کے لیے عالمی بیداری اور تعریف میں اضافہ ہوا ہے۔یہ پہچان ترقی، استحکام اور جدت کو فروغ دے گی۔ عالمی سطح پر پہچان میں اضافہ سری نگر کے دستکاری کو بین الاقوامی پلیٹ فارم پر بہتر نمائش دے گا، نئی منڈیاں کھلیں گی اور کاریگروں کے لیے مواقع پیدا ہوں گے۔ شہر کی منفرد دستکاریوں کی مانگ میں اضافے سے پیداوار میں اضافے کی توقع ہے، جس سے کاریگروں اور ان کے خاندانوں کے لیے روزگار کے مواقع پیدا ہوں گے اور معاش میں بہتری آئے گی۔