ہزاروں سال سے یوگ نے انسانیت کو تندرستی کا تحفہ دیا ہے

 گزشتہ دس  سال میں وزیر اعظم کی کوششوں سے یہ ایک عالمی عوامی تحریک بن گئی ہے۔ سونوال
 نئی دلی/بندرگاہوں، جہاز رانی اور آبی گزرگاہوں کے مرکزی وزیر جناب سربانند سونووال نے آسام کے وزیر جناب سنجے کشن اور ساتھیوں کے ساتھ  آسام کے تنسکھیا  میں صحت کے تئیں بیدار سینکڑوں افراد کے ساتھ یوگ کے 10ویں بین الاقوامی دن کی تقریب میں شرکت کی۔  جناب سونووال نے کہا کہ یوگ دماغ، جسم اور روح کو تقویت بخشتا ہے۔ اس نے ہزاروں سال سے انسانیت کو تندرستی کا تحفہ دیا ہے اور پچھلے 10 سال میں  ، وزیر اعظم جناب نریندر مودی جی کی کوششوں سے   ، یہ ایک عالمی عوامی تحریک بن گئی ہے۔ انہوں نے کہا کہ آئیے اپنی زندگی کو بہتر بنانے کے لیے یوگ کو روزانہ کی عادت  بنا لیں ۔جناب سونووال نے کہا کہ یوگ  حدود سے ماورا ہے اور انسانیت کے لیے اچھی صحت اور تندرستی کی علامت ہے۔ انہوں نے کہا کہ آئیے  ہم مل کر معاشرے کی بہتری کے لیے یوگ کو اپنی زندگیوں میں شامل کریں۔سکریٹری  جناب ٹی کے رام چندرن کی قیادت میں جہاز رانی کی وزارت کے افسران نے  نئی دلّی کے ٹرانسپورٹ بھون میں  یوگ سیشن میں  شرکت کی ۔