بھارتی عہدیدار نے سعودی عرب کے نائب وزیر حج سے ملاقات کی

 عازمین حج کے لیے لاجسٹک انتظامات پر تبادلہ خیال کیا
نئی دہلی/ سکریٹری (قونصلر، پاسپورٹ، ویزا اور سمندر پار ہندوستانی امور)   مکتیش کے پردیشی نے جدہ اور مدینہ منورہ میں حج 2024 کی تیاریوں کا جائزہ لیا۔ پردیشی نے سعودی عرب کے نائب وزیر حج عبدالفتاح مشاط  کے ساتھ ملاقات  اور حجاج کی فلاح و بہبود اور راحت کے مقصد سے لاجسٹک انتظامات اور بنیادی ڈھانچے کی ترقی پر تبادلہ خیال کیا۔ سعودی عرب میں ہندوستانی سفارت خانے نے کہا، "شری  مکتیش پردیشی، سکریٹری   (قونصلر، پاسپورٹ، ویزا اور سمندر پار ہندوستانی امور)   نے نائب وزیر حج  ڈاکٹر عبدالفتاح بن سلیمان مشاط کے ساتھ ایک نتیجہ خیز میٹنگ کی اور جدہ  میں ہندوستانی عازمین کو بہترین خدمات فراہم کرنے پر توجہ مرکوز کرتے ہوئے آئندہ حج کی تیاریوں کا جائزہ لیا۔ وزارت خارجہ  نے ایک پریس ریلیز میں کہا کہ مکتیش کے پردیشی 4-7 مئی تک سعودی عرب کے سرکاری دورے پر تھے جس کا مقصد ہندوستان اور سعودی عرب کے درمیان اسٹریٹجک شراکت داری کو مضبوط کرنا تھا۔ قابل ذکر بات یہ ہے کہ 2024 میں کل 175,025 ہندوستانی عازمین 2024 کے حج کوٹے کے تحت سعودی عرب جائیں گے۔ پردیشی نے سعودی وزارت خارجہ میں سیاسی امور کے نائب وزیر سعود بن محمد الساطی کے ساتھ بات چیت کی۔ ملاقات کے دوران فریقین نے اسٹریٹجک پارٹنرشپ کونسل (ایس پی سی) کے تحت ہونے والی پیش رفت اور دو طرفہ اور باہمی دلچسپی کے موضوعات کا جائزہ لیا۔ انہوں نے سعودی عرب کے ساتھ مختلف شعبوں میں تعاون کو مضبوط بنانے کے ہندوستان کے عزم کی تصدیق کی۔ ریاض کے اپنے دورے کے دوران مکتیش کے پردیشی نے توانائی کی وزارت میں بجلی کے امور کے معاون وزیر ناصر القحطانی اور پٹرولیم اور گیس کے معاون وزیر محمد ابراہیم سے ملاقات کی۔ دونوں فریقوں نے ہندوستان اور سعودی عرب کے درمیان سرمایہ کاری میں سہولت فراہم کرنے پر تبادلہ خیال کیا۔  وزارت  خارجہ امور نے کہا کہ گلف کوآپریشن کونسل (GCC) کے ساتھ مصروفیت اس دورے کا ایک اہم مرکز تھا۔ سیکرٹری نے ریاض میں  جی سی سی سیکرٹریٹ کا دورہ کیا اور  جی سی سی کے اسسٹنٹ سیکرٹری جنرل ڈاکٹر عبدالعزیز الوائیشیگ کے ساتھ  بھی ایک میٹنگ کی۔