ایئر مارشل ناگیش کپور نے  ٹریننگ  کمانڈکے آفیسر    کمانڈنگ ان چیف کا عہدہ سنبھالا

  نئی دلی۔ یکم  مئی/ایئر مارشل ناگیش کپور نے  یکم مئی 2024 کو ایئر آفیسر کمانڈنگ ان چیف  ٹریننگ کمانڈکا عہدہ سنبھالا۔ایئر مارشل این کپور کو 06 دسمبر 1986 کو انڈین ایئر فورس کے فائٹر سٹریم میں کمیشن دیا گیا تھا۔ وہ نیشنل ڈیفنس اکیڈمی، ڈیفنس سروسز اسٹاف کالج اور نیشنل ڈیفنس کالج کے سابق طالب علم ہیں۔ ایک کوالیفائیڈ فلائنگ انسٹرکٹر اور فائٹر کمبیٹ لیڈر کے طور  پر ان کے پاس 3400 گھنٹے سے زیادہ فلائنگ کا تجربہ ہے۔اپنے شاندار کیرئیر کے دوران ایئر مارشل نے متعدد فیلڈ اور سٹاف کی تقرریاں کیں۔ ان کے آپریشنل ادوار میں سینٹرل سیکٹر میں فائٹر سکواڈرن کے کمانڈنگ آفیسر، ویسٹرن سیکٹر میں فلائنگ بیس کے اسٹیشن کمانڈر اور ایک پریمیئر ایئر بیس کی ایئر آفیسر کمانڈنگ شامل ہیں۔ انہوں نے ائیر فورس اکیڈمی میں چیف انسٹرکٹر (فلائنگ( اور معروف ڈیفنس سروسز سٹاف کالج ویلنگٹن میں ڈائریکٹنگ سٹاف کے طور پر تدریسی خدمات انجام دیں۔ ایئر فورس اکیڈمی میں اپنے دور میں، ایئر آفیسر نے آئی اے ایفمیں PC-7 MK Il ہوائی جہاز کی شمولیت اور آپریشنلائزیشن میں اہم کردار ادا کیا۔ انہوں نے دفاعی اتاشی، پاکستان کے طور پر ایک سفارتی ذمہ داری بھی سنبھالی ہے۔ ان کے عملے کی تقرریوں میں ائیر ہیڈکوارٹر میں اسسٹنٹ چیف آف ائیر سٹاف آپریشنز (سٹریٹیجی(، ساؤتھ ویسٹرن ائیر کمانڈ میں ائیر ڈیفنس کمانڈر اور ہیڈکوارٹر سنٹرل ائیر کمانڈ میں سینئر ائیر سٹاف آفیسر شامل ہیں۔ موجودہ تقرری سنبھالنے سے پہلے، انہوں نے ایئر ہیڈکوارٹر میں ایئر آفیسر انچارج پرسنل کے طور پر خدمات انجام دیں۔ان کی شاندار خدمات کے اعتراف میں، ایئر مارشل کو 2008 میں وایو سینا میڈل اور 2022 میں اتی وششٹ سیوا میڈل سے نوازا گیا۔