جنرل ابزرور کی لوک سبھا انتخابات میں حصہ لینے والے امیدواروں کے ساتھ میٹنگ

انتخابات کے دوران اخراجات اور طریقہ کار پر امیدواروں کو تفصیلی جانکاری فراہم کی گئی
سرینگر پارلیمانی حلقہ میں عام لوک سبھا انتخابات کے آزادانہ، منصفانہ اور پرامن انعقاد کو یقینی بنانے کے لیے اس حلقے کے جنرل آبزرور مکل کمار نے پولس آبزرور سندیپ سنگھ چوہان اور اخراجات کے مبصر کے ساتھ سمبت مشرا نے منگل کو یہاں ڈی سی آفس کمپلیکس کے میٹنگ ہال میں سرینگر لوک سبھا سیٹ کے مقابلہ کرنے والے امیدواروں اور ان کے نمائندوں کے ساتھ ایک مشترکہ میٹنگ اور بات چیت کی۔اس موقعے پر ریٹرننگ آفیسر سرینگر پارلیمانی حلقہ ڈاکٹر بلال محی الدین بٹ ایس ایس پی پی سی آر شوکت حسین، ایس پی سیکورٹی کشمیر شیخ فیصل، نوڈل آفیسر پرمیشنز، ظہور احمد میر،نوڈل آفیسر ایم سی سی، ڈاکٹر الیاس احمد، نوڈل آفیسر برائے ایم سی ایم سی، احسن الحق چشتی، میٹنگ میں نوڈل آفیسر، اخراجات، جاوید مقبول اور دیگر متعلقہ افسران بھی موجود تھے۔شروع میںمبصرین نے سری نگر لوک سبھا سیٹ کے مقابلہ کرنے والے امیدواروں اور ان کے نمائندوں کے ساتھ ایک وسیع بات چیت کی اور اس حلقے میں لوک سبھا انتخابات کے انعقاد سے متعلق مختلف اہم پہلوو¿ں پر تبادلہ خیال کیا۔انتخابی ضابطہ اخلاق کے نفاذ، امیدواروں کی جانب سے انتخابی اخراجات کی دیکھ بھال کے حوالے سے بھی بات چیت کی گئی۔امیدواروں اور مختلف امیدواروں کے نمائندوں نے اپنے تحفظات کا اظہار کیا اور مختلف امور پر وضاحت طلب کی اور ان کو انٹرایکٹو سیشن کے دوران واضح کیا گیا۔اس موقع پر جنرل مبصر نے امیدواروں پر زور دیا کہ وہ انتخابی ضابطہ اخلاق کی دفعات اور الیکشن کمیشن آف انڈیا کے دیگر رہنما خطوط پر سختی سے عمل درآمد کو یقینی بنائیں تاکہ سری نگر لوک سبھا سیٹ پر پولنگ کے صاف، منصفانہ اور شفاف انعقاد کو یقینی بنایا جا سکے۔ انہوں نے ان پر زور دیا کہ وہ انتخابی مہم کے دوران انتخابی عمل کے تقدس کو برقرار رکھیں اور جمہوری ضوابط کی حفاظت کریں۔مبصر نے امیدواروں کو اخراجات کے رجسٹر کی دیکھ بھال کے بارے میں سمجھایا اور انہیں مختلف انتخابی اخراجات کے لیے علیحدہ بینک اکاو¿نٹ کھولنے کے بارے میں بتایا۔انہوں نے مزید کہا کہ تمام اخراجات جیسے پوسٹرز، بینرز، گاڑیاں، پرنٹس اور الیکٹرانک اشتہارات، جلسہ گاہوں، خیموں اور امیدواروں کی جانب سے کئے جانے والے ایسے تمام اخراجات کے لیے ایک حد مقرر کی گئی ہے جس کا ایک ریکارڈ بھی جائز حدود کے تحت رکھا جائے گا۔ اس موقعے پر پولس آبزرور نے انتخابی حلقے میں انتخابی مہم چلانے کے لیے الیکشن لڑنے والے امیدواروں سے تعاون بھی طلب کیا۔اس سے قبل ریٹرننگ آفیسر سرینگر پارلیمانی حلقہ نے مبصرین کو انتخابی ضابطہ اخلاق کے نفاذ، میڈیا سرٹیفیکیشن اینڈ مانیٹرنگ کمیٹی، اخراجات کی نگرانی کے طریقہ کار اور انتخابی عمل کے دیگر پہلوو¿ں کے بارے میں بتایا تاکہ پورے حلقے میں کسی بھی خلاف ورزی پر نظر رکھی جا سکے۔ انہوں نے انتخابی مہم چلانے والے امیدواروں کی جانب سے کی جانے والی انتخابی مہم،ریلیوں کے لیے اجازت دینے کے حوالے سے آسان بنائے گئے عمل کی بھی وضاحت کی۔