الیکشن کمیشن کا11پولنگ بوتھ پر دوبارہ ووٹ ڈالنے کا حکم

کانگریس نے منی پور کے 47 پولنگ بوتھ پر دوبارہ ووٹنگ کرانے کی مانگ کی تھی
امپھال/الیکشن کمیشن (ای سی آئی) نے اندرونی منی پور پارلیمانی حلقہ کے 11 پولنگ بوتھ پر 22 اپریل کو دوبارہ ووٹنگ کرانے کا حکم دیا ہے ۔انڈیا اتحاد کی قیادت کرنے والے کانگریس نے الیکشن کمیشن میں شکایت درج کرائی تھی اور 47 پولنگ بوتھ پر دوبارہ ووٹنگ کرانے کی مانگ کی تھی۔ کانگریس نے الزام لگایا تھا کہ مسلح افراد نے انتخابی اہلکاروں پر حاوی ہوکر ایک مخصوص امیدوار کے حق میں ووٹ ڈلوایا ہے ۔دوبارہ پولنگ کے لیے جن پولنگ مراکز کی نشاندہی کی گئی ہے ان میں موئرنگکمپو سجیب اپر پرائمری اسکول، ایس ایبوبی پرائمری اسکول (ایسٹ ونگ)، کھرائی اسمبلی حلقہ میں کھرائی تھنگجام لیکئی؛ کھیتریگاو اسمبلی حلقہ کے تحت بمن کمپو ہائر پرائمری اسکول (نارتھ اے )، پاینیر اکیڈمی، بمن کمپو (نارتھ-بی)، رلبنگ ہائی اسکول (نارتھ ونگ)، بمن کمپو (سا¶تھ ویسٹ)، ایرل بنگ ہائی اسکول (سا¶تھ ونگ)، بمن کمپو (جنوب مشرق) تھونگجو AC، کھونگ مین زون میں نیشنل چلڈرن اسکول وغیرہ شامل ہیں۔منی پور میں پارلیمانی انتخابات کے پہلے مرحلے میں دونوں حلقوں کے 47 اسمبلی حلقوں میں ووٹنگ ہوئی۔ ووٹنگ 72.17 فیصد درج ہوئی جس میں اندرونی سیٹ پر 76.05 فیصد اور بیرونی سیٹ پر 65.22 فیصد ووٹ ڈالے گئے ۔