وقت پر جموں کشمیر کو سٹیٹ ہڈ دیا جائے گا اور اسمبلی انتخابات بھی ہوں گے ۔ امت شاہ
سرینگر/وزیر داخلہ امت شاہ نے نیشنل کانفرنس، پی ڈی اور اور کانگریس پرالزام عائد کرتے ہوئے کہا ہے کہ ان جماعتوں نے جموں کشمیر کو مشکلات میں دھکیل دیا تھا اور اپنی سیاست کو چمکانے کےلئے انہوںنے دفعہ 370کا سہارا لیا تاہم بی جے پی کے لیڈران نے قربانیاں دیکر اس دفعہ کو ہمیشہ کےلئے ختم کردیا ہے اور اب ”افسپا “ ہٹانے کی باری ہے کیوں کہ اب کشمیرمیں پتھراﺅ ، نعرے بازی اور فائرنگ کے واقعات ماضی کی باتیں بن چکی ہیں۔ انہوںنے بتایا کہ مودی سرکار کے دس سالوں میں سب سے زیادہ فائدہ جموں کشمیر کو ہوا ہے ۔ امت شاہ نے بتایا کہ جموں کشمیر کی ترقی کےلئے مودی سرکار نے کئی اقدامات اُٹھائے ہیں اور وہ دن دو ر نہیں جب کشمیر سے کنیا کماری تک ریل چلنے کا خواب بھی پوارا کیا جائے گا۔ وائس آف انڈیا کے مطابق جموں میں بی جے پی لوک سبھا امیدواروں کے حق میں الیکشن مہم چلانے کے دوران وزیر داخلہ امت شاہ نے بتایا کہ جموں کشمیر میں حالات کو معمول پر لانے کےلئے بی جے پی نے قربانیاں پیش کیں ہیں ۔ انہوںنے بتایا کہ امیت شاہ نے کہا کہ جموں میں قدم رکھتے ہی بی جے پی کارکنان شادمان ہوتے ہیں کیوں کہ اسی جماعت نے جموں کشمیر کی ترقی کےلئے دروازے کھولے ہیں۔ منگل کو جموں کے پالودا میں ایک جلسہ عام سے خطاب کرتے ہوئے وزیر داخلہ امیت شاہ نے کہا کہ جموں و کشمیر میں پتھراو ¿ اور فائرنگ اب ماضی بن چکی ہے۔ اب ریاست میں دہشت گردی اپنی آخری سانسیں لے رہی ہے۔اور جس طرح سے دفعہ 370ختم کیا گیا اسی طرح اب ”افسپا“ختم کرنے کی باری ہے کیوں کہ اب کشمیر میں ناہی پتھراﺅ ہوتا ہے اور ناہی بندوقوں کی گن گرج سنائی دیتی ہے اور ناہی اب کسی میں ہڑتال کی کال دینے کی ہمت بچ گئی ہے
