ہندوستان اور اٹلی نے شراکت داری کی حکمت عملی تیار کی

روم(یواین آئی)ہندوستان اور اٹلی نے اپنے دوطرفہ تعلقات میں توسیع کرتے ہوئے توانائی کے ذریعہ منتقلی کی اسٹریٹجک شراکت داری کے لئے ایک حکمت عملی کو منظوری دی ہے ۔ وزیراعظم نریندر مودی اور اٹلی کے وزیراعظم ماریو دروگو کی کل ہوئی دو طرفہ میٹنگ میں اس حکمت عملی کو منظوری دی گئی۔ وزارت خارجہ نے یہاں بتایا کہ دونوں فریقوں نے حکمت عملی میں موجود اسٹریٹجک شعبوں میں تعاون کو مضبوط کرنے کا عزم ظاہر کیا ہے جن میں موسمیاتی تبدیلی سے نمٹنے کے لئے صاف توانائی کی طرف منتقلی کو رفتار مہیا کرنے کے اقدامات شامل ہیں جو جی -20 چوٹی کانفرنس اور گلاسگو میں موسمیاتی تبدیلی پر فریقین کے کانفرنس (کوپ -26) کا مرکزی موضوع ہے ۔ دونوں فریق گرین ہائڈروجن کی صلاحیت کو بروئے کار لانے ،توانائی کی اہلیت کو تحریک دینا،اسمارٹ گرڈ تیار کرنا اور توانائی ذخیرہ ٹیکنولوجی ،بجلی بازار کی تجدید کاری کے لئے ہندوستان اور یورپی یونین نے تعاون بڑھانے کی ضرورت پر زور دیا ہے ۔ دونوں فریق قابل تجدید توانائی کا ہماری توانائی نظام کم از کم لاگت سے جوڑنا اور اس سے روزگار کے مواقع پیدا کرنا اور مجموعی گھریلو پیداوار میں اضافہ کے سلسلے میں اضافے پر اتفاق ہے ۔ ہندوستان اور اٹلی کے درمیان بنی حکمت عملی میں طے کیا گیا ہے کہ سال 2017 میں بنا ایک جوائنٹ ورک فورس ،ورک اسمارٹ سٹیز،موبلٹی،اسمارٹ گرڈ، بجلی کی تقسیم اور کمی کا حل،گیس ٹرانسپورٹ اور قدرتی گیس کو فروغ دینا،انٹیگریٹیڈ ویسٹ مینجمنٹ اور گرین اینرجی (گرین ہائیڈروجن ،سی این جی اور ایل این جی،باﺅ میتھین ،باﺅ ریفائنری ،دوسری نسل کے باﺅایتھینال ،ارنڈی کے تیل،کچرے سے نکلنے والے تیل )کے استعمال میں تعاون بڑھانے کے لئے کام کرے گا۔