سرینگر/لیفٹیننٹ گورنر منوج سنہا نے اتوار کو بندیا رینہ تکو کی تصنیف ”تیس کی تیس“ جاری کی ۔ راج بھون میں کتاب کی رسم رونمائی انجام دیتے ہوئے ایل جی منوج سنہا نے مصنفہ کی کوشش کی تعریف کی اور ان کی کامیابی کےلئے دعا کی ۔ درین اثناءجموں کشمیر کے لیفٹیننٹ گورنر کے ساتھ اتوار کے روز مختلف وفود اور شخصیات نے راج بھون میں ملاقات کی ۔جبکہ گوسوامی شری گرو نابھا داس سماج کلیان پریشد جموں و کشمیر کے ایک وفد نے راج بھون میں لیفٹیننٹ گورنر شری منوج سنہا سے ملاقات کی۔سابق وزیر ڈاکٹر ڈی کے منیال کی قیادت میں وفد کے ارکان نے لیفٹیننٹ گورنر کو گرو نابھا داس جی کے اسمرتی بھون کے قیام اور عوامی اہمیت کے دیگر مسائل سے متعلق مطالبات کی ایک یادداشت پیش کی۔
آل جموں و کشمیر گوجر بکروال کانفرنس کے ایک وفد نے لیفٹیننٹ گورنر کو گوجر بکروال برادری کے مختلف فلاحی مسائل سے آگاہ کیا۔لیفٹیننٹ گورنر نے وفود کے ارکان کو یقین دلایا کہ ان کے پیش کردہ حقیقی مسائل کو ضروری کارروائی کے لیے اٹھایا جائے گا۔ادھر پدم شری ڈاکٹر کے این پنڈتا نے آج راج بھون میں لیفٹیننٹ گورنر منوج سنہا سے ملاقات کی۔ڈاکٹر پنڈتا نے ماضی کشمیر کی تاریخ پر کتاب کے انگریزی ترجمہ کا اپنا کام لیفٹیننٹ گورنر کو پیش کیا۔اس موقعے پر لیفٹیننٹ گورنر نے اس سال مارچ کے پہلے ہفتے میں روس میں منعقد ہونے والے گلوبل یوتھ ایونٹ کے لیے ان کے لیے نیک خواہشات کا اظہار کیا۔بعد میں، سنت ساحل جی مہاراج، صدر، جئے شری رام ٹرسٹ نے بھی لیفٹیننٹ گورنر سے ملاقات کی۔دریں اثناءگائیڈنس اینڈ کاو¿نسلنگ سیل فار یوتھ ڈیولپمنٹ کے ممبران، جو گروہا سلتھیا، سانبہ کی ایک سماجی تنظیم ہے نے لیفٹیننٹ گورنر کو ان کے گاو¿ں میں ملٹی پرپز انڈور ہال کے قیام سے متعلق مسئلے سے آگاہ کیا۔
