گاندربل میں دو خاندانوں کے مابین پانی پت کی جنگ ایک ہلاک

سرینگر/
وسطی کشمیر کے ضلع گاندربل میں دو کنبوں کے مابین سخت لڑائی اور ہاتھ آپائی کے نتیجے میں ایک شخص کی موت واقع ہوئی ہے ۔ اطلاعات کے مطابق بونیزل ہر پورہ گاندربل میں اتوار کے روز زمین کے تنازعے پر دو خاندانوں کے مابین پانی پت کی جنگ چھڑ گئی جس کے نتیجے میں ایک شخص سخت زخمی ہوا جس کو فوری طو رپر وسن ہسپتال پہنچایا گیا جہاں ڈاکٹروں نے اسے مردہ قراردیا ۔ ذرائع نے بتایا کہ دونوں خاندانوں کے مابین زمین کے ایک ٹکڑے پر عرصہ دراز سے آپسی رنجش تھی جس نے باالآخر سنگین رُخ اختیار کیا اور دو کنبوں کے مابین ہوئی جھڑپ میں غلام حمد شیخ ولد عامر شیخ جس کی عمر 65سال بتائی جاتی ہے شدید زخمی ہوا جس کو اگرچہ ہسپتال پہنچایاگیا تاہم وہاں ڈاکٹروں نے اسے مردہ قراردیا ۔اس واقعے کے نتیجے میں علاقے میں سنسنی کا ماحول پھیل گیا اور لوگ یہ افسوسناک واقع دیکھ کر دم بخود ہوئے ۔ یہاں یہ بات قابل ذکر ہے کہ گزشتہ دنوں سوپور میں دو سگے بھائیوں کے مابین کسی بات پر جگڑا ہوا تھا جس کے نتیجے میں ایک بھائی کی موت واقع ہوئی اور دوسرا بھائی جیل بھیج دیا گیا ۔ یہاں یہ امر قابل ذکر ہے کہ اس دنیا کے قیام کے ساتھ ہی بنی نو آدم کے مابین زن ، زر اور زمین تنازعہ کا باعث بنا ہوا ہے اور انہی تین چیزوں پر بڑی بڑی جنگیں لڑی جاچکی ہیں اور بے شمار افراد مارے جاچکے ہیں ۔