وزیرخارجہ نے پرتھ میں مڈغاسکر کے وزیر خارجہ کے ساتھ دو طرفہ تعلقات پر تبادلہ خیال کیا

 پرتھ/۔وزیر خارجہ ایس جے شنکر نے ہفتہ کو پرتھ میں 7ویں بحر ہند کانفرنس کے موقع پر اپنے مڈغاسکر کے ہم منصب رافاراویتافیکا رستا سے ملاقات کی۔دونوں قائدین نے ملاقات کرتے ہوئے ہندوستان اور مڈغاسکر کے مشترکہ باہمی تعلقات پر تبادلہ خیال کیا۔سوشل میڈیا پلیٹ فارم ایکس پر ایک پوسٹ میں، جے شنکر نے لکھا  کہ  مڈغاسکر کے وزیر خارجہ سے مل کر خوشی ہوئی۔ انہوں نے مزید کہا کہ "ہمارے دوطرفہ تعلقات پر تبادلہ خیال کیا جس کے مزید گہرے ہونے کی امید ہے۔ اس سے پہلےساتویں بحر ہند کانفرنس کے موقع پر، وزیر خارجہ ایس جے شنکر اور ان کے آسٹریلوی ہم منصب سینیٹر پینی وونگ نے جمعہ کو پرتھ میں ہند-بحرالکاہل اور مغربی ایشیا کی صورت حال سمیت عالمی مسائل کے اسپیکٹرم پر بات چیت کی۔میٹنگ کا آغاز   وزیر خارجہجے شنکر اور  آسٹریلیائی  وزیر خارجہ وونگ کے درمیان گرمجوشی سے تبادلہ خیال کے ساتھ ہوا۔ دونوں رہنماؤں نے دوطرفہ تعلقات کو مضبوط بنانے کے موقع پر مسرت کا اظہار کیا۔یہ بات چیت بنیادی طور پر ہندوستان اور آسٹریلیا کے درمیان جامع اسٹریٹجک پارٹنرشپ کے گرد مرکوز تھی۔ دونوں وزراء نے بحر ہند کے علاقے سے متعلق معاملات پر خصوصی توجہ مرکوز کرتے ہوئے مختلف شعبوں میں تعاون بڑھانے کے اپنے عزم کا اعادہ کیا۔جے شنکر فی الحال دو روزہ ساتویں بحر ہند کانفرنس میں آسٹریلیا کے شہر پرتھ میں ہیں۔