پونچھ کے جنگلات میں جنگجومخالف آپریشن 19ویں روز میں داخل

جنگلات میں چھپے بیٹھے جنگجوﺅں کو ڈھونڈ نکالنے کیلئے فضائی خدمات اور سونگھنے والے کتوں کا استعمال
پونچھ کے جنگلات میں چھپے بیٹھنے جنگجوﺅں کو ڈھونڈ نکالنے کیلئے جنگجو مخالف آپریشن 19ویں روز میںداخل ہو گیا۔گزشتہ دنوں ہوئی فائرنگ واقعہ کے بعد علاقے میں آپریشن وسیع کر دیا گیا ہے اور ہیلی کاپٹر خدمات بھی استعمال میںلائی جا رہی ہے ۔ اطلاعات کے مطابق مینڈھر پونچھ کے بھاٹا دھوڑیا جنگلاتی علاقے میں گزشتہ 18دنوں سے جاری جنگجو مخالف آپریشن کے بیچ وہاں ممکنہ طور پر چھپے بیٹھے جنگجوﺅں کو ڈھونڈ نکالنے کیلئے آپریشن تیز کر دیا گیا ہے ۔ بدھ کو 18ویں روز بھی جنگلات میں تلاشی آپریشن جاری رہا جس دوران جنگجوﺅں کو ڈھونڈ نکالنے کیلئے کارورائیاں تیز کر دی گئی ہے ۔ دفاعی ترجمان نے اس کی تصدیق کرتے ہوئے بتایا کہ جنگلات میں دو روز قبل تازہ فائرنگ ہوئی جس دوران دو پولیس اہلکار اور ایک فوجی کے علاوہ جنگجو بھی زخمی ہو گیا تھا ۔جس کے بعد جنگجو کی نعش وہاں بر آمد ہوئی ۔ انہوں نے کہا کہ جنگلات گھنا ہونے کے نتیجے میں آپریشن میں دشواریاں آرہی ہیں تاہم فوج نے مزید کمک بھیج دی ہے اور ملی ٹنٹوں کو ڈھونڈنے کےلئے ہیلی کاپٹروں کا بھی استعمال کیا گیا ہے ۔ انہوں نے مزید بتایا کہ اب تک اس آپریشن میں قریب 9فوجی اہلکار ہلاک ہوئے ہیں ۔ انہوں نے کہا کہ بدھ کو بھی ممکنہ طور پر جنگلات میں چھپے بیٹھے جنگجوﺅںکو ڈھونڈ نکالنے کیلئے آپریشن وسیع پیمانے پر جاری ہے تاہم دو دنوں کے دوران کہیںسے بھی جنگجوﺅں اور سیکورٹی فورسز کے مابین آمنا سامنا نہیںہوا ہے ۔