سمتھن ٹاپ اننت ناگ میں برفباری میں پھنسے دو افراد کی موت

تازہ بارشوں او ر برفباری کے بعد اننت ناگ کے سنتھن ٹاپ علاقے میںبرفباری کے نتیجے میںپھنسے دو افراد کی موت ہوئی جبکہ کئی دیگران کو بچایا لیا گیا ہے ۔ اطلاعات کے مطابق تازہ برفباری کے بعد سمتھن ٹاپ میں درجنوں کے افراد پھنس گئے تھے جس کے بعد ان کو بچانے کیلئے ضلع انتظامیہ اننت ناگ، فوج اور پولیس کی ایک ٹیم نے اتوار کی صبح تقریباً 5 بجے سمتھن ٹاپ پر بچاﺅ آپریشن شروع کر دیا جس دوران انہوں نے کئی ایک کو بچایا لیا تاہم ایک کی موت ہوئی تھی ۔ معلوم ہوا ہے کہ ایک شہری کی موت کے بعد دوسرے کی سفر کے دوران موت ہوئی وہیں دیگر دو افراد کو بچایا گیا اور انہیں ہسپتال منتقل کیا گیا ہے جہاں ان کا علاج کیا جا رہا ہے۔ پولیس کے ایک سنیئر آفیسر نے اسکی تصدیق کرتے ہوئے بتایا کہ انہیں اطلاع ملی کی سمتھن ٹاپ پر برفباری کے نتیجے میں چار افراد درماندہ ہو گئے ہیں جس کے بعد پولیس اور فوج نے وہاں آپریشن شروع کر دیا ۔ انہوں نے کہا کہ بچاﺅ آپریشن شروع ہونے سے قبل ہی ایک شہری کی موت ہوئی تھی جبکہ تین کو بحفاظت نکلا گیا تھا تاہم بعد میں راستے میںایک اور شہری کی موت ہوئی اور اس طرح سے مرنے والی کی تعداد دو تک پہنچ گئی جبکہ دیگر دو کو علاج کیلئے اسپتال منتقل کر دیا گیا ہے اور ان کی حالت خطرے سے باہر ہے ۔