تازہ برفباری اور بارشوں کے بعد موسم تبدیل ، 02نومبر تک موسم خشک رہنے کا امکان

تازہ برفباری اور بارشوں کے ایک روز بعد وادی کشمیر میں آسمان پر بادل چھا جانے کے بیچ پیر کی گلی اور گلمرگ سمیت دیگر کئی پہاڑی علاقوں میں تازہ برفباری کے نتیجے میں سردی کی شدت میں اضافہ ہو گیا ہے ۔ میدانی علاقوں میں بارشوں کا سلسلہ تھم جانے کے ساتھ ہی بیچ میں ہلکی دھوپ نکلی آئی تھی تاہم بادلوں نے سورج کو باہر آنے کی اجازت نہیں دی ۔ادھر 6.6ڈگری سلشس کے ساتھ سرینگر میں 39سال بعد سرد ترین اکتوبر ریکارڈ کیا گیا ۔ اسی دوران وادی کشمیر کے پہاڑی علاقوں میں ہلکی برفباری اور بارشوں کے نتیجے میں سردی کی لہر نے دستک دی ۔ اس دوران محکمہ موسمیات نے اگلے چوبیس گھنٹوں کے دوران وادی کے بالائی علاقوںمیں ہلکی برفباری اور میدانی علاقوں میں ہلکی اور درمیانہ درجے کی بارش ہونی کی پیشگوئی کرتے ہوئے محکمہ موسمیات نے آج سے 02نومبر تک موسم خشک رہنے کے امکانات ظاہر کئے ہیں۔ اسی دوران سرینگر جموں شاہرا ہ پر ٹریفک کی آمد رفت بھی بحال ہوئی اور درماندہ گاڑیوں کو چلنے کی اجازت دی گئی ہے ۔