پندرہ روز سے جاری آپریشن کے بیچ مینڈھر کے جنگلات میں پھر گولیوں کا تبادلہ

پاکستانی لشکر جنگجو جاں بحق ، دو پولیس اہلکار اور ایک فوجی زخمی ، جنگلات میں آپریشن وسیع
پونچھ جنگلات میں 15دنوں سے جاری جنگجو مخالف آپریشن کے بیچ اتوار کی صبح علاقے میں ایک مرتبہ پھر گولیوں کا تبادلہ ہوا جس دوران گولیوں باری کے نتیجے میںپاکستانی جنگجو جاںبحق ہو گیا جبکہ فوجی اور دوپولیس اہلکار زخمی ہو گیا ۔ تازہ فائرنگ واقعہ کے بعد علاقے میں آپریشن وسیع کر دیا گیا ہے اور ہیلی کاپٹر خدمات بھی استعمال میںلائی جا رہی ہے ۔ اطلاعات کے مطابق مینڈھر پونچھ کے بھاٹا دھوڑیا جنگلاتی علاقے میں گزشتہ 14دنوں سے جاری جنگجو مخالف آپریشن کے بیچ اتوار کی صبح علاقے میں ایک مرتبہ پھر دو بدو جھڑپ ہوئی ۔ پولیس کے مطابق بھاٹا دھوڑیاں علاقہ میں میں عسکریت پسندوں کے ساتھ گولہ باری کا تبادلہ ہوا۔جس دوران فوجی ، دو پولیس اہلکار اور ایک غیر ملکی جنگجو زخمی ہو گیا ۔ پولیس کے مطابق جاری آپریشن کے دوران لشکر طیبہ کا ایک پاکستانی عسکریت پسند ضیاءمصطفی کو ایک ٹھکانے کی نشاندہی کیلئے مینڈھر کے بھاٹا دھوڑیاں علاقہ میں لیکر گئے ، پولیس کا کہنا تھا کہ جو نہی پولیس و فوج کی پارٹی جنگجو کو لیکر وہاں پہنچی تو اچانک چھپے ہوئے عسکریت پسندوں کی جانب سے حملہ کیا گیاجس کے نتیجہ میں فوجی ، دو پولیس اہلکار اور جنگجو زخمی ہوئے ۔پولیس کے مطابق تلاشی کے دوران جب ٹیم عسکریت پسندوں ٹھکانے کے قریب پہنچی تو عسکریت پسندوں نے پولیس اور فوج کی مشترکہ ٹیم پر دوبارہ فائرنگ کی جس میں دو پولیس اہلکار اور ایک فوجی جوان زخمی ہوئے، اس دوران مصطفیٰ کو بھی چوٹیں آئیں ہیں اور گولی لگنے کی وجہ سے اسے جائے وقوع سے نہیں نکالا جا سکا۔تاہم بعد میں پاکستانی جنگجو کی جھڑپ کے مقام سے نعش بر آمد ہوئی ۔تازہ فائرنگ کے تبادلے کے ساتھ ہی آپریشن وسیع کر دیا گیا ہے ۔ دفاعی ترجمان نے اس کی تصدیق کرتے ہوئے بتایا کہ جنگلات میں تازہ فائرنگ ہوئی جس دوران دو پولیس اہلکار اور ایک فوجی کے علاوہ جنگجو بھی زخمی ہو گیا تھا ۔جس کے بعد جنگجو کی نعش وہاں بر آمد ہوئی ۔ انہوں نے کہا کہ جنگلات گھنا ہونے کے نتیجے میں آپریشن میں دشواریاں آرہی ہیں تاہم فوج نے مزید کمک بھیج دی ہے اور ملی ٹنٹوں کو ڈھونڈنے کےلئے ہیلی کاپٹروں کا بھی استعمال کیا گیا ہے ۔ انہوں نے مزید بتایا کہ اب تک اس آپریشن میں قریب 9فوجی اہلکار ہلاک ہوئے ہیں ۔