عسکریت پسندوں کے منصوبوں کو ناکام بنانے کیلئے جموں کشمیر پولیس اور دیگر سیکورٹی ایجنسیاں متحرک / دلباغ سنگھ

جموں کشمیر میں امن کی صورتحال کو بگاڑنے اور بھائی چارے کو زک پہنچانے کی کسی بھی کوشش کو کامیاب نہیںہونے دیا جائے گا کی بات کرتے ہوئے جموں کشمیر پولیس سربراہ دلباغ سنگھ نے کہا کہ مخصوص شہری ہلاکتیں صدیوں پرانے بھائی چارے کو نقصان پہنچانے کی غرض سے کی گئی ۔ انہوں نے کہا کہ جو بھی ان ہلاکتوں میںملوث ہوگئے ان کو کسی بھی قیمت پر بخشا نہیںجائے گا۔ اطلاعات کے مطابق زیون سرینگر میںمنعقدہ ایک تقریب سے خطاب کرتے ہوئے جموں کشمیر پولیس سربراہ دلباغ سنگھ نے کہا کہ ہند مسلم بھائی چارے کو نقصان پہنچانے کیلئے وادی کشمیر میںکچھ ایسی کارروائیاں انجام دی گئی تاہم پولیس و دیگر سیکورٹی فورسز نے تمام کوششوں کو ناکام بناتے ہوئے عسکریت پسندوں کے منصوبوں کو خاک میںملادیا ۔ انہوں نے کہا کہ کچھ عسکریت پسند اُس پار سے اپنے آقاﺅں کی ہدایت پر وادی کشمیر میں شہری ہلاکتوں کو انجام دیکر امن کی صورتحال کو بگاڑنے کی کوشش کر رہے ہیں تاہم جموں کشمیر پولیس اور دیگر سیکورٹی ایجنسیوں نے عین وقت پر حرکت میں آکر جنگجوﺅں اور سرحد پار بیٹھے ان کے آلہ کاروں کے ان منصوبوں کو ناکام بنا دیا ۔ پولیس سربراہ دلباغ سنگھ نے کہا کہ ہم واضح کر دینا چاہتے کہ جموں کشمیر میںامن کی صورتحال کو بگاڑنے کی کسی کو اجازت نہیں دی جائے گی اور جو بھی امن بگاڑنے میںملوث پایا جائے گا اس کے خلاف سختی سے پیش آئیں گے ۔ انہوں نے کہا کہ خراب حالات سے نہ صرف یہاں کے عام لوگوں کو پریشانیوں کا سامنا کرنا پڑتا ہے بلکہ سیاحتی شعبے کو نقصان پہنچ جاتا ہے اور اس کو ہم قطعی طور پر برداشت نہیںکر سکتے ہیں ۔ انہوں نے کہا کہ امسال 370کے قریب سیکورٹی فورسز اہلکار از جاں ہو گئے جن کو ہم خراج عقیدت پیش کر رہے ہیں ۔ انہوں نے کہا کہ جموں کشمیر میں امن کی صورتحال کو بنائے رکھنے کیلئے جن سیکورٹی فورسز اہلکاروں نے اپنی جانیںپیش کی ہے ان کو ہم خراج پیش کرتے ہیں ۔