مرکزی وزیر مملکت شانتو ٹھاکر پہلگام کے 2 روزہ دورے پر پہنچے

ترقیاتی منصوبوں کی پیش رفت کا جائزہ لیں گے
مرکزی حکومت کے عوامی رَسائی پروگرام کے طور پر مرکزی وزیر مملکت جہاز رانی ، بندر گاہیں اور آبی گزر گاہیں شانتو ٹھاکر آج پہلگام کے 2روزہ دورے پر پہنچے ۔مرکزی وزیر مملکت نے مختلف لائن محکموں کے سٹالوں کا معائینہ کیا اور انہیں متعلقہ محکموں کی طرف سے چلائی جانے والی فلاحی سکیموں کے بارے میں جانکاری دی گئی ۔اُنہوںنے صنعتوں ، صحت و طبی تعلیم ، آر ڈی ڈی / این آر ایل ایم ، زراعت ، دستکاری ، ہینڈلوم ، پشو پالن ، بھیڑ پالن ، ماہی پالن شعبوں کے سٹالوں کا معائینہ کیا ۔ مرکزی وزیر مملکت موصوف نے مختلف فلاحی سکیموں کے مستحقین سے بات چیت کی اور سکیموں کی عمل آوری کا جائزہ لیا۔اُنہوں نے ایس بی ایم مستحقین میں چیک، انٹگریٹیڈ ڈیری ڈیولپمنٹ سکیم کے تحت دودھ وین سبسڈی پر، جسمانی طور مخصوص اَفراد میں وہیل چیئرس اور ہیئرنگ ایڈس ، صحت سکیم کے مستفید ین میں گولڈ ن کارڈ وغیرہ تقسیم کئے ۔
اِس موقعہ پر ڈی ڈی سی چیئرمین ایم وائی گورسی ، ضلع ترقیاتی کمشنر اننت ناگ پیوش گوئیل ، آر ٹی او کشمیر ، اے ڈی سی اننت ناگ ، بی ڈی سی اور ضلعی اِنتظامیہ کے دیگر اَفسران موجود تھے۔مرکزی وزیر مملکت شانتو ٹھاکر نے ہینڈ کرافٹس اور ہینڈ لوم کے سٹالوں کا بھی معائینہ کیا او رمقامی کاریگروں سے اِستفسار کیا ۔ وزیر کو جانکاری دی گئی کہ ضلع میں 28 ہینڈی کرافٹس اور 6ہینڈ لوم ٹریننگ سینٹر کام کر رہے ہیں تاکہ کاریگروں کی صلاحیت میں اِضافہ اور ہنر میں اِضافہ کیا جاسکے اور مقامی اِنتظامیہ کاریگروں کو ہر ممکن تعاون فراہم کر رہی ہے تاکہ وہ اَپنی مصنوعات کی اعلیٰ قیمت حاصل کرسکیں۔وزیر مملکت نے اجتماع سے خطاب کرتے ہوئے کہا کہ وہ حکومت کی طرف سے چلائی جانے والی مختلف فلاحی سکیموں کے مو¿ثر عمل آوری سے خوش ہیں ۔ اُنہوں نے عوام تک فوائد پہنچانے میں فرنٹ لائن ورکروں کی کوششوں کو سراہا۔اُنہوں نے مرکزی حکومت یوٹی کی ترقی او رخوشحالی کی طرف حکومت کے عزم کو اُجاگر کیا ۔ اُنہوں نے مقامی اِنتظامیہ کو عام لوگوں تک خدمات کی فوری فراہمی کو یقینی بنانے کی ہدایت دی اور فلاحی سکیموںکو عملا نے میں ان کے عزم اور لگن کو سراہا۔