جموں و کشمیر میں رام بن ویاڈکٹ  کی تعمیر ایک قابل ذکر حصولیابی ہے ۔ نتن گڈکری

 نئی دلی/۔سڑک ٹرانسپورٹ اور شاہراہوں کے مرکزی وزیر  جناب نتن گڈکری نے اپنی پوسٹوں کی ایک سیریز میں کہا کہ جموں اور کشمیر میں  ہم نے  را م بن ویاڈکٹ   کی تعمیر  کامیابی کے ساتھ پوری کرلی ہے ، جو چار لین کے ساتھ 1.08  کلومیٹر کی طوالت میں  ایک قابل ذکر حصولیابی ہے ۔ انہوں نے کہا کہ  328کروڑروپے کی لاگت سے مکمل ہونے والا یہ پروجیکٹ  قومی شاہراہ-44 کے  اودھم پور – رام بن سیکشن  پر واقع ہے ۔جناب گڈکری نے کہا کہ یہ غیر معمولی پُل  26اسپین سے بنا ہے اور اس کے بنیادی ڈیزائن میں  کنکریٹ اور  اسٹیل  گریڈر  کی شمولیت کا  استعمال کیا گیا ہے۔ انہوں نے کہا کہ اس کے پورا ہونے سے رام بن بازار میں   ٹریفک کی  بھیڑ کافی  کم ہوگئی ہے ،جس سے گاڑیوں کی آمدورفت  بھی آسان ہوگئی ہے۔مرکزی وزیر نے کہا کہ وزیر اعظم جناب نریندر مودی کی دوراندیش قیادت کو اپناتے ہوئے  ہم جموں اور کشمیر کو  بہترین  قومی شاہراہ  بنیادی ڈھانچہ فراہم کرنے کے لئے وقف ہیں ۔ انہوں نے کہا کہ یہ تاریخی حصولیابی نہ صرف  خطہ جاتی   ،معاشی خوشحالی کو بڑھاوا دیتی ہے بلکہ ایک اعلیٰ سطحی سیاحتی مقام کی شکل میں  اس  کی کشش میں  مزید اضافہ کرتی ہے۔