لیفٹیننٹ گورنر نے برف صاف کرنے کے خصوصی آلات اور گاڑیاں عوام کے لیے وقف کیں

سری نگر/ جموںو کشمیر کے لیفٹیننٹ گورنر منوج سنہا نے آج برف صاف کرنے کے خصوصی آلات اور گاڑیاں عوام کو وقف کیں۔جموںو کشمیر  ڈیزاسٹر مینجمنٹ اتھارٹی کی طرف سے خریدے گئے آلات پی ڈبلیو  ڈیپارٹمنٹ کے مکینیکل اینڈ ہسپتال انجینئرنگ ڈائریکٹوریٹ کے حوالے کیے گئے تاکہ برف کو محفوظ اور مؤثر طریقے سے صاف کیا جا سکے اور شہریوں کے لیے رسائی کو برقرار رکھا جا سکے۔آفات سے نمٹنے اور برف صاف کرنے کے آلات کی 170 تعداد میں اسنو کٹر، بیکہو لوڈرز، برف کے ہل والے ٹریکٹر شامل ہیں۔ لائٹ ریکوری وہیکل کرین، وہیل ماونٹڈ فرنٹ اینڈ لوڈرز، متغیر اسنو پلاؤ، وہیل اور چین ماونٹڈ ایکسویٹر بھی ان آلات شامل ہیں۔ایس شیلندر کمار، پرنسپل سکریٹری پبلک ورکس (آر اینڈ بی )محکمہ؛ پروفیسر نیلوفر خان، وائس چانسلر کشمیر یونیورسٹی، ڈیزاسٹر منیجمنٹ، ریلیف، بحالی اور تعمیر نو کے سیکرٹری شیخ ناظم زئی خان اور دیگر اعلیٰ حکام بھی اس موقع پر موجود  تھے۔