محکمہ موسمیات کی جانب سے 4روزہ موسمی کیلنڈر جاری

وادی کے ساتھ ساتھ جموں کے کچھ حصوں میں ہلکی سے درمیانہ درجے کی بارش اور برفباری کا امکان
17اکتوبر تک موسم ابرآلود کے ساتھ ساتھ مغربی ہواﺅں سے اثر انداز ہوگا، 18اکتوبر سے موسم میں بہتری آسکتی ہے ۔محکمہ موسمیات
سرینگر/13اکتوبر//جمعہ کے روز بانہال اور وادی کے کئی بالائی علاقوں میں ہلکی برفباری کے ساتھ ہی محکمہ موسمیات نے چار رہزہ موسمی کلینڈر جاری کرتے ہوئے کہا ہے کہ وادی کشمیر اور جموں کے کچھ حصوں میں جمعہ شام کے بعد مغربی ہوائیں اثر انداز ہوں گی ۔ محکمہ موسمیات نے 14اکتوبر سے لیکر 17اکتوبر کےلئے موسم کی ابتر صورتحال کے بارے میں پیش گوئی کی ہے جبکہ 18 اکتوبر کی صبح سے موسم کی صورتحال بہتر ہونے کی توقع ہے اور سرینگر جموں شاہراہ اور سرینگر لہہ شاہراہوں پر سفر کرنے والوں سے کہا گیا ہے کہ وہ پہلے موسم اور سڑ کی صورتحال کائزہ کی جانکاری حاصل کریں ۔ ادھر آج شہر سرینگر میں دن کا زیادہ سے زیادہ درجہ حرارت 22اعشاریہ صفر ڈگری ریکارڈ کیا گیا ہے جبکہ کل رات کا کم سے کم درجہ حرارت 16اعشاریہ صفر ڈگری ریکارڈ کیا جاچکا ہے ۔ وائس آف انڈیا کے مطابق محکمہ موسمیات نے پیش گوئی کی ہے کہ وادی میں اگلے چار روز تک ہلکی سے درمیانہ درجے کی بارشوں کا امکان ہے ۔ محکمہ کے مطابق جمعہ کی شام سے جموں کشمیر میں مغربی ہوائیں اثرانداز ہوں گی ۔ قبل ازیںجموں کشمیر کے کچھ بالائی حصوں میں دو دن ہلکی بارش ریکارڈ کیا گیا جبکہ جموں ڈویڑن کے کشمیر اور بانہال کے کئی اونچے علاقوں میں بھی تازہ برف باری ہوئی۔ادھر ڈپٹی ڈائریکٹر محکمہ موسمیات (MeT) نے کہا کہ 13 اکتوبر کی شام سے 17 اکتوبر کی شام تک میدانی علاقوں میں بارش اور بالائی علاقوں میں برفباری کا امکان ہے۔ محکمہ کے ڈپٹی ڈائریکٹر نے کہا کہ جموں و کشمیر میں چار دن کے دوران ہلکی سے درمیانہ درجے کی بارش کے دوران بالائی علاقوں میں 2 انچ سے 6 انچ تک برفباری کا امکان ہے۔انہوں نے مزید کہا کہ تازہ بارش اور برفباری کی وجہ سے ان دنوں درجہ حرارت میں مزید کمی آسکتی ہے ۔انہوں نے مزید کہا کہ 18 اکتوبر کی صبح سے موسم کی صورتحال بہتر ہونے کی توقع ہے۔بارش اور برفباری کی پیش گوئی کے بارے میں تفصیلات بتاتے ہوئے کہاکہ 14 اکتوبر کو بیشتر علاقوں بالخصوص کشمیر کے علاقوں میں بارش اور برف باری کا امکان ہے جب کہ 15 اکتوبر کو بارش اور برفباری کا امکان ہے۔ وقفے وقفے سے بارش اور برف باری بارش کچھ علاقوں میں ہوسکتی ہے ۔ جبکہ دن زیادہ تر ابر آلود رہ سکتا ہے ۔انہوں نے کہا کہ 16 اکتوبر کو زیادہ تر علاقوں میں ہلکی بارش اور برفباری کی توقع ہے جب کہ چند علاقوں میں موسلادھار بارش کو خارج از امکان قرار نہیں دیا جا سکتا۔انہوں نے مزید کہا کہ 17 اکتوبر کو بعض علاقوں میں صبح یا دوپہر تک بارش یا برفباری ہوسکتی ہے۔ توقع کی جارہی ہے کہ اس دن ویسٹرن ڈسٹربنس ختم ہوجائے گا۔ویسٹرن ڈسٹربنس سے دن کے وقت کے درجہ حرارت میں نمایاں کمی آنے کی توقع ہے ۔وادی کشمیر کے بیشتر حصوں میں 16 اور 17 اکتوبر کو دن کے وقت کا زیادہ سے زیادہ درجہ حرارت 14 ڈگری سینٹی گریڈ سے نیچے رہنے کا امکان ہے۔ جموں خطہ میںانہی تاریخوں میں دن کے وقت کے درجہ حرارت میں بھی بڑی کمی متوقع ہے۔ادھر محکمہ موسمیات نے کے ڈائریکٹر سونم لوٹس نے ایک ایڈوائزری میںکسانوں سے فصلوں کی کٹائی 14-18 اکتوبر تک ملتوی کرنے کو کہا۔انہوں نے کہا کہ سمتھن ٹاپ ،زوجیلا ، اور بانہال کے علاوہ گلمرگ، پہلگام ، سونہ مرگ کے بالائی علاقوں میں برفباری ہوسکتی ہے ۔