پی ایم مودی  اور  رشی سنک کامیاب آزاد تجارتی معاہدے کے لیے کام کرنے پر  متفق

نئی دہلی/ وزیر اعظم نریندر مودی نے آج دہلی میں جی 20 سربراہی اجلاس کے موقع پر اپنے برطانوی ہم منصب رشی سنک کے ساتھ دو طرفہ میٹنگ کی۔اکتوبر 2022 میں برطانیہ کے وزیر اعظم بننے کے بعد وزیر اعظم سنک کا ہندوستان کا یہ پہلا دورہ ہے۔پی ایم مودی نے ہندوستان کی G20 صدارت کے دوران  برطانیہ کی حمایت کے لیے اپنی تعریف کی، جس کی نشاندہی G20 میٹنگوں اور تقریبات میں اعلیٰ سطح کی شرکت سے کی گئی۔دونوں رہنماؤں نے ہندوستان-برطانیہ جامع اسٹریٹجک پارٹنرشپ کے ساتھ ساتھ روڈ میپ 2030 کے مطابق دو طرفہ تعاون کے مختلف شعبوں میں ہونے والی پیش رفت کو اطمینان کے ساتھ نوٹ کیا، خاص طور پر معیشت، دفاع اور سلامتی، ٹیکنالوجی، سبز ٹیکنالوجی اور موسمیاتی تبدیلی، صحت اور نقل و حرکت کے شعبوں میں۔ دونوں رہنماؤں نے اہم اور باہمی دلچسپی کے بین الاقوامی اور علاقائی امور پر بھی تبادلہ خیال کیا۔دونوں رہنماؤں نے آزاد تجارتی معاہدے (ایف ٹی اے)کے مذاکرات کی پیشرفت کا جائزہ لیا اور امید ظاہر کی کہ بقیہ مسائل کو جلد از جلد حل کیا جائے گا تاکہ ایک متوازن، باہمی طور پر فائدہ مند اور مستقبل کے حوالے سے ایف ٹی اے پر جلد دستخط کیے جائیں۔پی ایم مودی نے مزید تفصیلی بات چیت کے لیے پی ایم سنک کو جلد، باہمی طور پر آسان تاریخ پر دو طرفہ دورے کی دعوت دی۔ وزیر اعظم سنک نے دعوت قبول کر لی اور کامیاب G20 چوٹی کانفرنس کے لیے وزیر اعظم مودی کو مبارکباد دی۔