لڑکیوں کو تعاقب کرنے اور آن لائن ریب کی دھمکیاں دینے کے الزام میں ایک نوجوان گرفتار:پولیس

سری نگر/ پولیس نے سری نگر میں لڑکیوں کو ہراساں کرنے اور آن لائن عصمت دری کی دھمکیاں دینے کے الزام میں ایک نوجوان کو گرفتار کیا ہے۔سری نگر پولیس نے ہفتے کو ٹویٹ کرکے کہا: ‘سید شمعون ہمدانی ولد محمد ایوب ہمدانی ساکن انور کالونی راول پورہ کو لڑکیوں کا تعاقب کرنے، حملہ کرنے، ہراساں کرنے اور انہیں آن لائن عصمت دری کی دھمکیاں دینے پر گرفتار کیا گیا’۔ٹویٹ میں کہا گیا: ‘ایک دلیر لڑکی نے اس سلسلے میں ثبوت کے ساتھ پولیس اسٹیشن صدر کی طرف رجوع کیا’۔ٹویٹ میں مزید کہا گیا کہ اس ضمن میں پولیس اسٹیشن صدر میں متعلقہ دفعات کے تحت ایک کیس درج کیا گیا۔