ایل جی منوج سنہا نے امرناتھ یاترا کی تیاریوں کا جائزہ لیا

 سرینگر/جموں و کشمیر کے لیفٹیننٹ گورنر منوج سنہا نے پیر کو اعلیٰ وسائل کو متحرک کرنے اور افرادی قوت میں اضافہ کرنے کی ہدایت دی ہے تاکہ اگلے مہینے امرناتھ یاترا کے آغاز کے لیے جاری تمام کاموں کو وقت پر مکمل کیا جا سکے۔ایل جی نے جنوبی کشمیر کے ہمالیہ میں واقع 3,888 میٹر اونچے غار  کی سالانہ یاترا کے لیے تیاریوں کا جائزہ لینے کے لیے ایک اعلیٰ سطحی میٹنگ کی صدارت کی اور متعلقہ محکموں اور ایجنسیوں کی تیاریوں کا جائزہ لیا۔میٹنگ میں مندیپ کمار بھنڈاری، سی ای او، شری امرناتھ جی شرائن بورڈ (ایس اے ایس بی)، جی او سی، 15 کور، لیفٹیننٹ جنرل راجیو گھئی اور سول انتظامیہ، ایس اے ایس بی، بارڈر روڈز آرگنائزیشن (بی آر او( اور ٹیلی کمیونیکیشن سروس کے نمائندوں نے شرکت کی۔   جناب منوجسنہا نے اعلیٰ وسائل کو متحرک کرنے اور افرادی قوت بڑھانے کے لیے حکام کو ہدایت دی کہ یکم جولائی کو یاترا کے مقررہ آغاز سے قبل تمام متعلقہ کاموں کی تکمیل کو یقینی بنایا جائے۔انہیں بی آر او کی طرف سے یاترا ٹریکس کو اپ گریڈ کرنے، تمام کمزور حصوں پر حفاظتی ریلنگ کی تنصیب، برف صاف کرنے، فوج کے خیموں کی تنصیب اور ٹیلی کمیونیکیشن نیٹ ورک کو مضبوط بنانے کے کام سے آگاہ کیا گیا۔ایل جی نے ٹیلی کام سروس فراہم کرنے والوں کو ہدایت دی کہ نیٹ ورک کنیکٹیویٹی کو بڑھایا جائے اور یاترا کے راستے میں بینڈوتھ کو بڑھایا جائے۔انہوں نے محکمہ آبپاشی اور فلڈ کنٹرول کی جانب سے اٹھائے گئے کام کا بھی جائزہ لیا۔